lamo0osh..على كرسي الاعتراف ^_*

[Lovely Smile]

اهلا اهلا دوموزيل lamo0osh (http://7-sham.com/vb/member.php?u=8)

يا مسكينة علقتي والله علقك

ان شاءالله من يوم الجمعة رح نبلش فيك اسئلة للجمعة اللي بعدا ونحط حدا بدالك على الكرسي

بس رح نهريك اسئلة ولو ههههههههه شغلتنا



ومن عندي اول سؤال ^_^

معك 5 وردات لمين بتهدين بالمنتدى ؟

[روح أنثـى]

اهليييييييييين لموشتي علقتي والله علقك

وهي 20 سؤال وانشالله ما كون تقلت عليكي هههههههه

1) كـم مرهـ مـا حـالفك النجـاح فـي دراسـتك.؟

2) لـو قـالك المصبـاح السحـري اختاري امنيتيـن فـي الدنيـا و بحققـها لـك ،، شو بتختاري؟!

3) ترغبين تتخصصين بماذا بعد المرحلة الثانويه ؟؟

4) عندمـا تـكوني طفشـانه،، و لوحـدك جـالسه فـي البيـت ،، مـاذا تفـعلين.؟!

5) كـم سـاعهـ تجلـسين علـى الأنتـرنت.؟!

6) مـا شعـورك اذا علـق الأنتـرنت عنـدك و انـتي منهمـك.؟!

7) اذا اكـتشفـتي ان صـداقتـك مـع انـسان طلعـت مزيـفهـ،،مـاذا ستـفعـلي.؟!

8) مـا اصـعب مـوقف مـر عليـك.؟!

9) مـا رأيـك فـي الشـعر،،و هـل تكتـبي الشـعر،،و مـن هـو افضـل شـاعر عنـدك.؟!

10) مـا افضـل نـك نيـم فـي المنتـدى نـال اعجـابك.؟!

11) كـم مرهـ سافـرت،،و مـا هـي آخـر سفـرهـ سـافرتـيها.؟!

12) مـا هـي امنيـتك فـي الحيـاهـ.؟!

13) مـن هـو اهـم شخـص فـي حيـاتك.؟!

14) كـم مرهـ دعيـت اللهـ لهـاذا اليـوم.؟!

15) مـتى يقـتلك الفـضول.؟!

16) مـن هـو مثـلك الاعـلى.؟!

17) جـريمهـ تتمـني ارتـكابـها.؟!

18) احلـى حـرف عنـدك.؟!

19) هـل انـت تحـبي.؟!

20) شـو رايـك فـينـي ههههههههههههه.؟!


وبدي ياكي تعطيني رايك بهالاعضاء حتى لو بكلمه بس ...

روعة

كوزموز

لافلي سمايل

ايوش

عصفور

غولدن بوي

اندر تيكر

اسفه عالاطاله حبيبتي ونورتي كرسي الاعتراف

[سفيرة الشوق]

مرحباااا ياعسل ^_^

طبعا الف مبرووووووك على الكرسي

حبيت اهنيكي واللي رجعه للكرسي

[Ro0o3A]

يا الف الف الف مبرووك


(لاحظو للمرة التانية بنفد والسر هوة لاني برضي امي هههههههههه )


ان شا الله يا لموووشتي ما بعزبك معي وبكتر اسالة عليكي

حيكون نظام اسالتي معك كل يوم قسم وكل قسم بحكي عن شغله المهم خلينا نبدا

حابدا عشر اسالة عن اهلك وهاد القسم الاول

بس قبل كل شي بتجيبي هويتك وبتكتبيها هون


1/ كم واحد وحدة انتو بالعيلة وكم ترتيبك ؟؟

2/ بتحبي اهلك ولا بتتمني تغيريون ؟؟

3/ مين اقرب اخواتك الك ؟؟

4/ ليش بحسك احيانا بتغاري من اختك الصغيرة ؟؟ ههههههههههههههههه

5/ لو قلتلك غيري صفة بابوكي شو بتغيري ؟؟

6/لمين بترتاحي من اخواتك ؟؟

7/ مين اكتر واحد بعيلتك بتتناقري انتي وياه ؟؟

8/ في حدود بينك وبين اخواتك وخاصه بينك وبين اختك الصغيرة ؟؟؟

9/ لو قلتلك حطي حالك مكان امك قبل عشرين سنة شو اول خطوة بتعمليها ؟؟؟؟

10 /بتحسي اهلك رضيانين عليكي ؟؟؟؟؟


واذا الله راد الي رجعه

[lamo0osh]

اول شي مرحبا

وانشاء الله كون ضيفة خفيفة لطيفة عليكون

وانشاء الله بكون صريحة على اي ّ سؤال ( بس لا تزودوها ههههههههههه):36_1_19[1]:

ومعلش هروني اسئلة بس لا تنامو :36_15_8[1]:

وتاني شي بسم الله رح نبلش

اهلا وسهلا لوفلي نور الكرسي


ومن عندي اول سؤال ^_^

معك 5 وردات لمين بتهدين بالمنتدى ؟

5 وردات صعبة كتيييييييييييير بس انا رح استثني اهلي يعني عصفور وسفروت وياسمين وروعة

وشاغور وتيربو لانون اهلي فبهديهون احلى باقة ورد :36_3_11[1]:

اما اعضاء المنتدى فبهديهم كلهون بس طالما بدك خمسة

فبهدي اندر تيكر وغولدن بوي وكوزموز ولوفلي و خالد رونالدو وسفيرة الشوق

بعرف انون صارو ستة بس معلش

يسلمو لوفلي بس ارجاع لاتطول الغيبة ;)

[lamo0osh]

اهليييييييييين لموشتي علقتي والله علقك

اهلا مون سوسو يالله شو اعمل الله بعين :D

وهي 20 سؤال وانشالله ما كون تقلت عليكي هههههههه

لاء ولو اكيد اسئلتك حلوة ولطيفة متلك *_^


1) كـم مرهـ مـا حـالفك النجـاح فـي دراسـتك.؟

والله الحمد لله ولا مرة لاني كنت شاطرة ( احم احم )


2) لـو قـالك المصبـاح السحـري اختاري امنيتيـن فـي الدنيـا و بحققـها لـك ،، شو بتختاري؟!

اول امنية يلي هلئ بتمناها انو يطلعلي طب بالشام و تاني امنية موت واهلي رضيانين علي

3) ترغبين تتخصصين بماذا بعد المرحلة الثانويه ؟؟

انشاء الله طب عيون

4) عندمـا تـكوني طفشـانه،، و لوحـدك جـالسه فـي البيـت ،، مـاذا تفـعلين.؟!

على الاغلب بعد على النت

5) كـم سـاعهـ تجلـسين علـى الأنتـرنت.؟!

على حسب المزاج بس على الاغلب شي 4 ساعات

6) مـا شعـورك اذا علـق الأنتـرنت عنـدك و انـتي منهمـك.؟!

اكيد بعصب كتيييييييييير وبتجاكر هههههههههههههه

7) اذا اكـتشفـتي ان صـداقتـك مـع انـسان طلعـت مزيـفهـ،،مـاذا ستـفعـلي.؟!

والله بتركو وبعد كتير عنو

8) مـا اصـعب مـوقف مـر عليـك.؟!

في كتير مواقف صعبة يعني خاصة هل السنة بس عنجد مالي متزكرة شي هلئ خلص بس لاتزكر بقلك

9) مـا رأيـك فـي الشـعر،،و هـل تكتـبي الشـعر،،و مـن هـو افضـل شـاعر عنـدك.؟!

انا كتير بحب الشعر , كتابة الشعر عندي تجارب بس فاشلة هههههههه

افضل شاعر عندي هو نذار قباني

10) مـا افضـل نـك نيـم فـي المنتـدى نـال اعجـابك.؟!

بصراحة احلى نك نيم كوزموز

11) كـم مرهـ سافـرت،،و مـا هـي آخـر سفـرهـ سـافرتـيها.؟!

مو كتير سافرت يعني شي 4 بلدان بس اخر سفرة على السعودية ههههههههههههه

12) مـا هـي امنيـتك فـي الحيـاهـ.؟!

اي كون طبيبة عيون ناجحة وكون مرضية لاهلي

13) مـن هـو اهـم شخـص فـي حيـاتك.؟!

اكيد اهلي بس اذا شخص فهي امي

14) كـم مرهـ دعيـت اللهـ لهـاذا اليـوم.؟!

والله ما عديتون هههههههههه لاء عنجد مابعرف

15) مـتى يقـتلك الفـضول.؟!

اذا كان بشي خصوصي كتير بكرهو

16) مـن هـو مثـلك الاعـلى.؟!

اكيد رسول صلى الله عليه وسلم وامي وابي

17) جـريمهـ تتمـني ارتـكابـها.؟!

قتل روعة لانو كتير عم اتعزبني هل الايام هههههههههه لاء عم امزح اكيد ما بحب ارتكب جرائم

بس بحب اقتل كل انسان ظالم

18) احلـى حـرف عنـدك.؟!

اكيد احلى حرف بالابجدية (ب)

19) هـل انـت تحـبي.؟!

والله انا بحب كل العالم ولو كل الناس ظراف ههههههههههههه

20) شـو رايـك فـينـي ههههههههههههه.؟!

عنجد وبصراحة انا كتير حبيتك يعني ماشاء الله بتفوتي على القلب بسرعة

وبدي ياكي تعطيني رايك بهالاعضاء حتى لو بكلمه بس ...

روعة

اختي يلي بحبها وبموت فيها واكيد من الناس القراب مني كتيييييييييييييييير

كوزموز

كتير عفوي و يلي بقلبو على راس لسانو

لافلي سمايل

اخ عزيز وبحسو اد المسؤولية

ايوش

حبابة كتير وطيوبة

عصفور

لاء عصفوري بدو جريدة هههههههههه هو اخر العنقود والمدلل

غولدن بوي

الفتى الذهبي تبع المنتدى ومصمم ما بهو شي ههههههههههههه

اندر تيكر

عاقل وبيعرف يتصرف وقت الشدة ودمو خفيف

اسفه عالاطاله حبيبتي ونورتي كرسي الاعتراف

لاء عادي اهلا وسهلا فيكي والله انتي يلي منورة *_^

[lamo0osh]

يا الف الف الف مبرووك

الله يبارك فيكي وعقبالك *_^

(لاحظو للمرة التانية بنفد والسر هوة لاني برضي امي هههههههههه )

والله ماعرفتك روعة اي شو هل التطور ههههههههههههههه

ان شا الله يا لموووشتي ما بعزبك معي وبكتر اسالة عليكي

لاء عادي حياتي خدي راحتك

حيكون نظام اسالتي معك كل يوم قسم وكل قسم بحكي عن شغله المهم خلينا نبدا

يلا والله بيعين

حابدا عشر اسالة عن اهلك وهاد القسم الاول

بس قبل كل شي بتجيبي هويتك وبتكتبيها هون

الاسم المستعار لمووووووووش *_^

العمر : 17سنة ونص

مكان الولادة : دمشق

النفوس : القنوات _بركة


1/ كم واحد وحدة انتو بالعيلة وكم ترتيبك ؟؟

نحنا ماشاء الله خمسة وانا تالتة

2/ بتحبي اهلك ولا بتتمني تغيريون ؟؟

مو زيادة هههههههههههه الله يسامحك على هل السؤال اكيد اهلي احلى اهل بالدنيا ولو خيروني اكيد

رح اختارون

3/ مين اقرب اخواتك الك ؟؟

اكتر اخواتي هي ياسمين الشام وروعة

4/ ليش بحسك احيانا بتغاري من اختك الصغيرة ؟؟ ههههههههههههههههه

ما بعرف بس اكيد لانو سئيلة ههههههههههههه

5/ لو قلتلك غيري صفة بابوكي شو بتغيري ؟؟

ايوة يعني بدنا نعلق مع بابا هههههههههه عنجد بابا كل صفاتو بحبها بس يمكن بغير انو شوي عصبي

6/لمين بترتاحي من اخواتك ؟؟

والله العظيم برتاح معون كلون يعني كل واحد فيو شي بيختلف عن التاني

7/ مين اكتر واحد بعيلتك بتتناقري انتي وياه ؟؟

ايوة بلشنا اسئلة من تحت لتحت و بس اكتر وحدة هي روعة وكمان عصفور الله يرضا عليهون شو لطاف

ههههههههههههههههه

8/ في حدود بينك وبين اخواتك وخاصه بينك وبين اختك الصغيرة ؟؟؟

لاء اكيد مافي حدود يعني شو اسمنا اخوات

9/ لو قلتلك حطي حالك مكان امك قبل عشرين سنة شو اول خطوة بتعمليها ؟؟؟؟

ما بتجوز ابي ههههههههههههههههه شو بيعرفني شلون بتجيبي هل الاسئلة ما بعرف

10 /بتحسي اهلك رضيانين عليكي ؟؟؟؟؟

اي الحمد الله بس اكيد لازم ارضيون اكتر وخاصة اختي الصغيرة *_^


واذا الله راد الي رجعه

اي ارجعي بس لاتجيبي اسئلة من تحت لتحت *_^

[Amooon]

مرحبا لمووش
انشاء الله الف مبرووك
السؤال الاول
مين الشخص المفضل عندك؟
ولما تكبري شو بدك تسمي بناتك؟
وتقبلي مروري

[lamo0osh]

اهلا وسهلا احلى سفيرة *_^

مرحباااا ياعسل ^_^

طبعا الف مبرووووووك على الكرسي

الله يبارك فيكي حياتي

حبيت اهنيكي واللي رجعه للكرسي

تسلميلي يارب واكيد لازم ترجعلي وانا بانتظارك

[KhaledRonaldo]

مرحبا يالموش والله شكلك مستعده من زمان لكرسي الأعتراف بس ماحطول عليكي بالأسئلة لأني مابحب السئلة هههههههههههه:
منبلش
1- لو خيروك يالموش وين تستقري هون ولا بالشام مع العلم أنو أهلك مقيمين هون وين بتختاري؟

2- لو كان عندك القدرة أنك تغيري شي بهالعالم شو بتغيري؟

3-طب العيون هل أخترتي لسبب معين ولا هو حلمك الأساسي؟

4-عطيني صفة مميزة لكل من سفروتي وشاغوري وتيربوي وعصفوري.

5- شو برنامجك المفضل ؟

6-شو رياضتك المفضلةا ؟

7-مين حبيب بابا ؟مين روح بابا ؟
علشان خاطر مين بابا يخاطر يتعب مية سنة ؟هههههههههههههههههه
ويسلمو على الورده

تقبلي مروري

[دانة الشام]

لموش يالموش الف مبروك واسئلتي سهلة لانك غالية وعزيزة وهي /
1- انو بلد حابة تكملي دراستك فيها /
2- شو هي الشغلة يلي بتكرهي تشتغليها اثناء تنظيف البيت /
3- شو هواياتك المفضلة/
4- شو هي طبيعة صفاتك يعني خجولة عصبية لطيفة/
والف مبروووووووووك مرة تانية

[lamo0osh]

مرحبا لمووش

ياهلا امون نورتي الكرسي

انشاء الله الف مبرووك

الله يبارك فيكي
السؤال الاول
مين الشخص المفضل عندك؟

والله مافي شخص محدد بس اكيد عندي اهلي اول شي

ولما تكبري شو بدك تسمي بناتك؟

انا بحب اسم لمى والمى وشام

وتقبلي مروري

يا اهلا و سهلا وانا عم انتظر رجعتك

[lamo0osh]

مرحبا يالموش والله شكلك مستعده من زمان لكرسي الأعتراف بس ماحطول عليكي بالأسئلة لأني مابحب السئلة هههههههههههه:

اهلا خالد نور الكرسي بس والله مو من زمان من شي يومين وبعدين ولو شو ال سئالة ال *_^

منبلش
1- لو خيروك يالموش وين تستقري هون ولا بالشام مع العلم أنو أهلك مقيمين هون وين بتختاري؟

لاء بختار هون انا بحب الشام كتيييييييير بس الاستقرار بالسعودية احسن

2- لو كان عندك القدرة أنك تغيري شي بهالعالم شو بتغيري؟

اكيد في كتير شغلات رح غيرها بس اول شي بغير كل حاكم ظالم لانو اذا هنن اتغيرو بيتغير كلشي

3-طب العيون هل أخترتي لسبب معين ولا هو حلمك الأساسي؟

لاء هو حلمي الاساسي من زماااان

4-عطيني صفة مميزة لكل من سفروتي وشاغوري وتيربوي وعصفوري.

سفروتي : محبوب كتير و لذيذ واخي الكبير

عصفوري : المدلل والحنون كتير

شاغور : مرح ودمو خفيف

تيربو : تييييييييييييربو بكل معنى الكلمة ههههههههه

5- شو برنامجك المفضل ؟

مافي برنامج محدد بس ممكن اوبرا

6-شو رياضتك المفضلةا ؟

كرة القدم والتنس

7-مين حبيب بابا ؟مين روح بابا ؟
علشان خاطر مين بابا يخاطر يتعب مية سنة ؟هههههههههههههههههه

انا انا ههههههههههه شو محمد هنيدي عم يسالني انا مو عرفانة هههههههههه

ويسلمو على الورده

ولو لا شكر على واجب

تقبلي مروري

اهلا وسهلا خالد بس عيدها انا بالانتظار

[lamo0osh]

لموش يالموش الف مبروك واسئلتي سهلة لانك غالية وعزيزة

اهلا وسهلا دانة وانتي والله غالية واخت عزيزة

وهي /
1- انو بلد حابة تكملي دراستك فيها /

ان شاء الله بالشام

2- شو هي الشغلة يلي بتكرهي تشتغليها اثناء تنظيف البيت /

اني امسح غبرة هههههههههههه

3- شو هواياتك المفضلة/

السباحة وركوب الخيل ههههههههههه لاء عم امزح هوايتي المفضلة قراءة روايات

4- شو هي طبيعة صفاتك يعني خجولة عصبية لطيفة/

انا خجولة شوي وعصبية شوي يعني وقت الحاجة واكيد لطيفة كتييييييييير وحبابة وامورة وكتير شغلات

احم احم ( ماعرفت حالي ) ههههههههه


والف مبروووووووووك مرة تانية

الله يبارك فيكي وانا بالانتظار رجعتك

[&Hamodeee&]

مرحبا لموووووووووووووش
انشاء الله الف مبروك الكرسي واقامة ممتعة بتمناها الك لمدة اسبوع كامل
ماحطول عليكي
السؤال:
معك وردة بدك تهديها لشخص غير اعضاء المنتدى واهلك
لمين بتهديها؟ :36_15_4[1]:
مين فريقك المفضل في كل من
كرة القدم
كرة السلة
كرة الطائرة
وبدي منك بكلمة تعطيني رأيك بالاعضاء هدول وبكل صراحة
انا حمودي :36_1_12[1]:
سفيرة الشوق
دانة الشام
دندون
دربي الم
لعيون الوردة
نانا الشامية
انشاء الله ماكون تقلت عليكي بالاسئلة والي رجعة تانية :36_17_5[1]:

[lamo0osh]

مرحبا لموووووووووووووش

ياهلا حمودة نور الكرسي

انشاء الله الف مبروك الكرسي واقامة ممتعة بتمناها الك لمدة اسبوع كامل
ماحطول عليكي

الله يبارك فيك وتسلم

السؤال:
معك وردة بدك تهديها لشخص غير اعضاء المنتدى واهلك
لمين بتهديها؟

اممممممممم بهديها لرفيقتي بالمدرسة لمى

مين فريقك المفضل في كل من
كرة القدم

ريال مدريد

كرة السلة

والله ما بعرف حدا بس متل عصفور nba

كرة الطائرة

ههههههههههههههههههههه والله مابعرف حدا

وبدي منك بكلمة تعطيني رأيك بالاعضاء هدول وبكل صراحة

انا حمودي

دمك خفيف وعفوي

سفيرة الشوق

كتيييير حبابة وبتفوت على القلب بسرعة

دانة الشام

اخت غالية وقريبة من القلب

دندون

عفوية كتير وصريحة

دربي الم

كمان اخت غالية وعشرة عمر

لعيون الوردة

مواضيعو حلوة كتير طريقة تفكيرو حلوة

نانا الشامية

انا لسا ما اتعرفت عليها منيح بس اكيد حبابة

انشاء الله ماكون تقلت عليكي بالاسئلة والي رجعة تانية

لاء ولو اكيد ما تقلت وانا بالانتظار الرجعة *_^

[لوليا]

هلا لموووش الله يعينك على هالأعده نصيحه قومي وقفي قبل مازخ عليكي الأسئله متل المطر ياأما امسكي شمسيه ههههه
انشاء الله إلي رجعه ........

[lamo0osh]

هلا لموووش الله يعينك على هالأعده نصيحه قومي وقفي قبل مازخ
عليكي الأسئله متل المطر ياأما امسكي شمسيه ههههه
انشاء الله إلي رجعه .......

ياهلا باحلى لوليا لك نور الكرسي ههههههههههههههه لاء رح ضل اعدة وانتي زخي اد ما


بدك اسئلة على حسابك وانا جاهزة و بالانتظار رجعة قوية *_^

.

[omarr]

مبروك عليكي الكرسي لهالاسبوع

رح اسألك أسئلة حلوة وغريبة شوي (^_^)

1 - لو انك نطيتي من الطيارة ومعك مظلة وفجأة لقيتي حالك بجزيرة مهجورة مين أول واحد بنادي اسمواا أو بتقولي اسمواا .. وشو بتدعي ربك ؟

2 - وقت تكوني مرضانة بأي مرض(لا سمح الله) مثل الانفلونزا (مو تبع الطيور )مثلاً .. وتكوني مالك قدرانة تتحركي من تختك منوب .. شو اول شي بتقولي لحالك بدك تساويه وقت تتعافي(غير انك تحمد الله وتشكريه والصلاة )؟

3 - اذا قلتلك في 3 دمعات بتنزل من عينك لحالها بدون ماتشعري فيها .. شو هي المواقف يلي فعلا بتزل فيها هي الدمعة من عينك ؟؟

4 - تخيلي انك فقتي الصبح لقيتي 500 ريال تحت المخدة يلي بتنامي عليها شو بتفكري انك تعملي فيها ؟؟(المبلغ صغير بس يلا مارح قلك مليون ريال لانو مستحيل تلاقيه تحت مخدة) :)


5 - شو القسم يلي نفسك يكون بالمنتدى حارات الشام وهو مالوا موجد فيه هلأ ؟؟

6 - شو الفرع يلي رح تدخليه اذا ماقدرتي تدخلي طب عيون ؟؟

7 - مين أكثر رئيس دولة بتحبيه ؟

8 - لو حطيناكي ملكة لمدة يوم واحد على أمريكا شو أول شي بتعمليه ؟؟

9 - كم ماسنجر عندك ,, وشو رأيك الفايدة من كل هالأسئلة يلي سألتك ياها :)؟؟

10 - تعبت من الكتابة .. خلص عوفت اليوم .. خلينا نعطي فرصة لغيرنا .. ونعطيك فرصة لتجاوبي . الله يعينك

[lamo0osh]

مبروك عليكي الكرسي لهالاسبوع

الله يبارك فيك

رح اسألك أسئلة حلوة وغريبة شوي (^_^)

ماشي وانا جاهزة

1 - لو انك نطيتي من الطيارة ومعك مظلة وفجأة لقيتي حالك بجزيرة مهجورة مين أول واحد بنادي اسمواا أو بتقولي اسمواا .. وشو بتدعي ربك ؟

بنادي حدا من اهلي اخواتي او بقول في حدا هون هههههه بدعي ربي لاقي حدا اول شي وارجع لاهلي

وبلدي

2 - وقت تكوني مرضانة بأي مرض(لا سمح الله) مثل الانفلونزا (مو تبع الطيور )مثلاً .. وتكوني مالك قدرانة تتحركي من تختك منوب .. شو اول شي بتقولي لحالك بدك تساويه وقت تتعافي(غير انك تحمد الله وتشكريه والصلاة )؟

حسب شو عندي شغلات بدي ساويها بس يمكن اني روح مشوار او اعد على النت هههههههه

3 - اذا قلتلك في 3 دمعات بتنزل من عينك لحالها بدون ماتشعري فيها .. شو هي المواقف يلي فعلا بتزل فيها هي الدمعة من عينك ؟؟

اول دمعة وقت حدا من اهلي بيسافر لاني كتير بشتقلون تاني دمعة وقت بنقهر من قلبي لاي موقف كمان

بتنزل دمعة تالت دمعة امممممممم يمكن وقت بيكون حدا كتير عزيز علي زعلان مني

بس انا بشكل عام مابحب تنزل دمعتي ادام الناس


4 - تخيلي انك فقتي الصبح لقيتي 500 ريال تحت المخدة يلي بتنامي عليها شو بتفكري انك تعملي فيها ؟؟(المبلغ صغير بس يلا مارح قلك مليون ريال لانو مستحيل تلاقيه تحت مخدة)

يعني 500 ممكن لاقيها تحت المخدة ههههههههههه والله مابعرف يمكن بهل الوقت بنزل على الشام

وبصرفها هنيك


5 - شو القسم يلي نفسك يكون بالمنتدى حارات الشام وهو مالوا موجد فيه هلأ ؟؟

اعتقد انو كل الاقسام يلي بحبها موجودين والحمد لله هلئ المنتدى عم يطور بسرعة

6 - شو الفرع يلي رح تدخليه اذا ماقدرتي تدخلي طب عيون ؟؟

يمكن طب اسنان واذا ما طلعلي هندسة ديكور او كهرباء او معمار

7 - مين أكثر رئيس دولة بتحبيه ؟

اكيد بدون تردد الريئس بشار الاسد

8 - لو حطيناكي ملكة لمدة يوم واحد على أمريكا شو أول شي بتعمليه ؟؟

اول شي بعملو انو ما خلي بوش يرجع للحكم وبرجع العراق لاهلها


9 - كم ماسنجر عندك ,, وشو رأيك الفايدة من كل هالأسئلة يلي سألتك ياها ؟؟

عندي ايميلين والله علمي علمك بس اكيد من شان تتعرف على شخصيتي اكتر


10 - تعبت من الكتابة .. خلص عوفت اليوم .. خلينا نعطي فرصة لغيرنا .. ونعطيك فرصة لتجاوبي . الله يعينك

اهلا وسهلا عمر نور الكرسي وعنجد كانو اسئلتك حلوين وانبسطت كتييييييييييير وانا عم جاوب عليهون

وانا بانتظار رجعتك

[سفيرة الشوق]

عدنا يالغاليه ^_^

- شو اكثر اسم بنت وولد بتحبيه والعكس ؟؟؟

2- متى اخر مره رحتي الملاهي ؟؟؟

3- كيف بتصنفي نفسك اجتماعيه انطوائيه يعني هيك ؟؟؟

4- اول واخر منتدى سجلتي بيه ؟؟؟

5- انا ايش بالنسبه لك ونصيحه لي ؟؟؟

6- كم عددكم بالبيت وترتيبك بينهم ؟؟؟

7- طول شعرك وتحبي تقصيه ؟؟؟

8- متى اخر مره قصيتيه وشو كانت القصه ؟؟؟

9- مين اكثر عضو نفسك تتعرفي عليه اكثر ؟؟؟

وبالتوفيق ...

[لوليا]

هلا حبيبتي لموووووووش ......................

*بقولو القمر حلو ..انتي شو رأيك أرجو الإجابه بتواضع؟
*مين أعز صديقه عندك أو صديق؟
*وين كانت أحلى أيام قضيتيها؟ومع مين قضيتيها؟
*شورأيك فيني بس من غير تمسيح جوخ؟
*حبيبتي أنا جديده هون عالمنتدى بدي منك اتعرفيني عالأعضاء فردا فردا إذا مافيها سئله؟
بتمنالك التوفيق........:36_3_11[1]: بتمنى تعجبك ترى هلق قطفتها مشانك

[حياة الروح]

هاي لموش كيفك ياقمر
مبروك الكرسي وعقبال ماتقعدي ورا كرسي طب العيون
والله حاولت أعصر مخي وماطلع معي غير هالكم سؤال:-
1:- مين أكتر مطرب بتحبيه؟
2:-شو أكتر غنية بتحبيها ؟ وشو الغنية اللي بتبكيكي؟
3:-شو الصفات المشتركة بينك وبين ياسمين الشام ؟
4:-شو الصفة اللي بتكرهيها بياسمين الشام ؟
5:-شو بيكون موقفك لو ابتعدتي عن شخص تحبيه غصب عنك ؟
6:- مين أكتر واحد بتأمنيلو ع أسرارك ؟
7:- واخر شي وبصراحة ومن دون تمسيح جوخ
شو رأيك بالكيكة اللي عملتها وقت جيتو لعندي انتي وياسمينو ؟
(هي صحيح كانت مو ظابطة كتير بس بدي رايك وبصرررررررررررررررررراحة)
أسفة إذا طولت بالأسئلة

[ظل القمر]

مبروك لموش على الكرسي

ووانشاء الله مانعزبك كثير

عندي كم سؤال =>

شو المواصافات اللي تتمنيها في حبيب وزوج المستقبل

لو ماقدرتي تحققي امنيتك انك تدرسي طب شو بتعملي ؟؟ وايش هو البديل

امنيه تمنيتيها وتحققت

ايش اكتر شي بيضايقك

ايش كان شعورك لما صرتي مشرفه

وبس............

ولي رجعه بس اذكر اي سؤال

[Lovely Smile]

اول شي مشان نخفف الاسئلة المحجرة قليلنا شو اخر نكته سمعتيا

تاني شي يلا شد حزام الامان وركزي منيح

شو اكتر اله موسيقية بتحبي العزف تبعا ؟

لو خيروكي تطلعي شهر عسل وين ما بدك وين بتروحي ؟

شو احلى كلمة بتحبي تسمعيا ( من غير اهلك ) ؟

شو سيارة احلامك ؟ ولونا ؟

اذا عيد ميلادك قريب شو بتحبي حدا يهديكي من اهلك ؟ ( هاد سؤال هدية لاهل لموش مشان يرتاحوا من التفكير ) ^_*

اطيب اكله بتحبيها ؟

احلى مطعم بالشام بتروحي عليه ؟

احلى بلد سياحية بسوريا ؟

اي حيوان اليف بتتمني ان يكون عندك ؟

وين لموش بعد 4 سنين ؟ و بعد 10 سنين ؟

اشرحيلي بشرح مفصل بما لا يقل عن 10 كلمات عن الاسماء التالية ( هون شيلي المجاملات على طرف )

سفروت

روعة

عصفور

ياسمين الشام


مين اقرب شخص فين الك ؟

المنتدى شو بيعنيلك ؟

رح اكتبلك كم شغلة وتقليلي شو الوانها ^_^

شو لون النسيان ؟

لون الحب ؟

لون الغدر ؟

لو الوفاء؟

لون الصدق؟

لون الاخلاص ؟

لون الكذب ؟

هلأ قليلي شو اكمل ولا اوقف ؟

ممممممممممممممممممم


متاكدة اكمل ؟

طيب متل ما بدك ^_*

بتحبي السواقة ؟ اذا نزلتي على سوريا بتفكري تطلعي رخصة ؟

شو احلة كوفي شوب بسوريا ؟

اطيب اكلة اكتيها ولهلأ بنفسك تاكليها مرة تانية ؟

هلأ رح اسألك سؤال متل عمر بس مو 500 تحت مخدتك لقيتي المصباح السحري وقلك اطلبي واتمني 3 امنيات

شو بتتمني ؟ وليش؟

اكتبيلنا شو صار معك بالمواقف التالية ؟

اهضم موقف مر عليكي بالمنتدى ؟

اكتر موقف خلاكي تعصبي ؟

اكتر موقف ضليتي فيه محتارة؟

اكتر موقف انصدمتي من شخص ما بتتوقي منو هالشي ؟

هلأ شو حاسة بعد كل الاسئلة هي ؟

سؤااااااااااااال صريح

ما ندمتي انك وقعتي بين ايدين لافلي ههههههههههههههههههههههههههه

اسف على الاطالة بس انت قلتيلي رجاع وهي رجعت صح ولا مو صح ؟ *_*

بدك ياني ارجع ولا لا ^_*

[lamo0osh]

عدنا يالغاليه ^_^

اهلا وسهلا لك اشتقنالك *_^

- شو اكثر اسم بنت وولد بتحبيه والعكس ؟؟؟

اكتر اسم بنت بحبو لمى والمى وشام ويلي بكرهو شيماء وزليخا ههههههههههههه

اكتر اسم ولد بحبو يامن و معاذ ويلي بكرهو عصمت وفكرت وشوكت وكل يلي على هل القافية
2- متى اخر مره رحتي الملاهي ؟؟؟

كان بالعيد الماضي

3- كيف بتصنفي نفسك اجتماعيه انطوائيه يعني هيك ؟؟؟

اجتماعية اعتقد انو اي بس اكره ما علي اني كون انطوائية بس خجولة شوي اذا كان الناس جداد وما بعرفون بس باخد على الجو بسرعة

4- اول واخر منتدى سجلتي بيه ؟؟؟

انا اول واخر منتدى سجلت فيه هو حارات الشام

5- انا ايش بالنسبه لك ونصيحه لي ؟؟؟

والله انا كتير بحبك سفورة وانتي عنجد قريبة من القلب واخلاقك عالية واكيد انتي اخت غالية

النصيحة امممممممم خليكي متل ما انتي لاتخلي شي يغيرك
6- كم عددكم بالبيت وترتيبك بينهم ؟؟؟

نحنا خمسة وانا تالتة
7- طول شعرك وتحبي تقصيه ؟؟؟

طول شعري بتحفظ عن اجابة عنو *_^ اما ذا بحب قصو اي بحب ما بحب الروتين ابدا بس مو كتير قصرو

8- متى اخر مره قصيتيه وشو كانت القصه ؟؟؟

من شي 3 اسهر وكانت فراولة ^^
9- مين اكثر عضو نفسك تتعرفي عليه اكثر ؟؟؟

هلئ في كتير ناس جداد ما بعرفون وحابة اتعرف عليهون

وبالتوفيق ...

تسلمي وانا بانتظار رجعتك *_^

[lamo0osh]

هلا حبيبتي لموووووووش ......................
اهلا حياتي تسلملي هل طلة *_^

*بقولو القمر حلو ..انتي شو رأيك أرجو الإجابه بتواضع؟

اذا بتواضع انو اكيد حلو بس مو احلى مني ^^

عنجد القمر كتير حلو يعني احلى شي بالسما
*مين أعز صديقه عندك أو صديق؟

اعز صديقة لمى وكل رفقاتي بالمدرسة احلى شلة بالدنيا واكيد انتي كمان اعز رفيقة

اما صديق اكيد مافي احلى من سفروووت

*وين كانت أحلى أيام قضيتيها؟ومع مين قضيتيها؟

احلى ايام وقت رحنا على الحج هل السنة كانت ايام ما بتنتسى رحت انا واهلي وشاغور وتيربو

*شورأيك فيني بس من غير تمسيح جوخ؟

اي اذا بدون تمسيح جوخ عنجد بتجنني واخلاقك عالية وهاد الاهم وبتخافي الله وسئيلة شوي ههههههههه

*حبيبتي أنا جديده هون عالمنتدى بدي منك اتعرفيني عالأعضاء فردا فردا إذا مافيها سئله؟

والله الاعضاء كتاااااااااااااااااااااار كتير ما شاء الله اكيد الايام الجاية رح عرفك عليهون واحد واحد لانو هون مابيكفي

احكيلك عنون وانتي حددي يلي بدك تتعرفي عليه وانا جاهزة واكيد اكتر وحدة امورة وحبابة ولطيفة هي

لمووووووووووووش(احم احم اخجلتم تواضعنا ^^)

بتمنالك التوفيق........ بتمنى تعجبك ترى هلق قطفتها مشانك

اكيد بدها تعجبني مو منك يا احلى وردة وهي كمان من عندي افتحي وشو في شو بقلبها :36_15_4[1]:

[lamo0osh]

هاي لموش كيفك ياقمر

اهلا يااحلى قمر لك نور الكرسي حياتي

مبروك الكرسي وعقبال ماتقعدي ورا كرسي طب العيون

الله يبارك فيكي وانشاء الله من تمك لباب السما

والله حاولت أعصر مخي وماطلع معي غير هالكم سؤال:-

اي بيكفو وزيادة المهم وجودك حياتي

1:- مين أكتر مطرب بتحبيه؟

وائل كفوري وتامر حسني

2:-شو أكتر غنية بتحبيها ؟ وشو الغنية اللي بتبكيكي؟

والله في كتير اغاني بحبون متل كل اغاني قيروز وام كلتوم واغاني وائل كفوري وبحب غنية هادي يونس عم احلم


الغنية يلي بتبكيني بين ايديك لماجد المهندس لانو الها ذكرى

3:-شو الصفات المشتركة بينك وبين ياسمين الشام ؟

يمكن انو انا وياها حلوين ودمنا خفيف وما حدا بيشوفنا الا بيحبنا ههههههههه

4:-شو الصفة اللي بتكرهيها بياسمين الشام ؟

انو عنيدة واكبر مني .:*_*:. يعني دائما على اوامر

5:-شو بيكون موقفك لو ابتعدتي عن شخص تحبيه غصب عنك ؟

اكيد رح ضل وقت طويل زعلانة كتيييييييير ورح حاول ارجع باقرب وقت وشلون ماكان

6:- مين أكتر واحد بتأمنيلو ع أسرارك ؟

اخواتي كلون بس يمكن اكتر شي ياسمين

7:- واخر شي وبصراحة ومن دون تمسيح جوخ
شو رأيك بالكيكة اللي عملتها وقت جيتو لعندي انتي وياسمينو ؟
(هي صحيح كانت مو ظابطة كتير بس بدي رايك وبصرررررررررررررررررراحة)

والله اذا بدون تمسيح كانت مو طيبة و معجنة هههههههههه لاء عم امزح عنجد كانت طيبة كتيبر وزابطة ولذيذة كتير

لك بيكفني انو انتي مساويتيها (بس لاتعيديها *_^)


أسفة إذا طولت بالأسئلة

لاء ولو اهلا وسهلا

[lamo0osh]

مبروك لموش على الكرسي

وانشاء الله مانعزبك كثير

الله يبارك فيكي الله يسامحك ولو ال عذاب ال

عندي كم سؤال =>

شو المواصافات اللي تتمنيها في حبيب وزوج المستقبل

انا اهم شي عندي انو بيكون بيخاف الله ومداوم على الصلاة واكيد لازم يكون حلو يعني مابهو شي

ودمو خفيف يعني مو كتير جديّ

لو ماقدرتي تحققي امنيتك انك تدرسي طب شو بتعملي ؟؟ وايش هو البديل

انو اذا ماطلعلي طب بشري ولا طب اسنان رح ادرس هندسة كهرباء او ديكور او معمار

امنيه تمنيتيها وتحققت

انو انهي الدراسة بالمدرسة بمجموع عالي والحمد لله اتحققت

ايش اكتر شي بيضايقك

اكتر شي امممممممم اذا بالشخص انو يكون لئيم وموزن كتييييييييييييير

ايش كان شعورك لما صرتي مشرفه

اكيد انبسطتت كتير وخاصة انو كانت هدية من سفروت بمناسبة النجاح

وبس............

ولي رجعه بس اذكر اي سؤال

اهلا وسهلا وانا بانتظار رجعتك *_^

[lamo0osh]

اول شي مشان نخفف الاسئلة المحجرة قليلنا شو اخر نكته سمعتيا

اخر نكتة و الله من زمااااااااااااان ما سمعت نكتة اي بس بتزكر انو وقت الامتحانات يمكن كوز او روعة الولي نكتة وهي

قال في واحد طلع من الامتحان دايخ ليش ؟؟

قال لانو مبرشم على المروحة ههههههههههههههه

تاني شي يلا شد حزام الامان وركزي منيح

ماشي شديت الحزام وركزت

شو اكتر اله موسيقية بتحبي العزف تبعا ؟

بيانو وكمان

لو خيروكي تطلعي شهر عسل وين ما بدك وين بتروحي ؟

بروح على اسبانيا او بريطانيا

شو احلى كلمة بتحبي تسمعيا ( من غير اهلك ) ؟

كتير في كلام بس يمكن كلمة شكرا او يسلمو وقت بكون عاملة مجهود

شو سيارة احلامك ؟ ولونا ؟

نيسان 2008 ولونها ازرق فاتح يعني سماوي

اذا عيد ميلادك قريب شو بتحبي حدا يهديكي من اهلك ؟ ( هاد سؤال هدية لاهل لموش مشان يرتاحوا من التفكير ) ^_*

ههههههههههههههه عيد ميلادي لسا مطول بس عنجد انا ما بتفرق معي الهدية المهم يهدوني مو يمرقوها هيك ^^

اطيب اكله بتحبيها ؟

صفيحة كتييييييييييير بحبها وكبة لبنية

احلى مطعم بالشام بتروحي عليه ؟

بوب ون وكرانشي

احلى بلد سياحية بسوريا ؟

اكيد الشام و كسب وصلنفة

اي حيوان اليف بتتمني ان يكون عندك ؟

ارنب ابيض او بيج

وين لموش بعد 4 سنين ؟ و بعد 10 سنين ؟

بعد 4 سنين عم ادرس طب وبعد 10 سنين بكون ان شاء الله اتخرجت وفاتحة عيادة ومشهورة

اشرحيلي بشرح مفصل بما لا يقل عن 10 كلمات عن الاسماء التالية ( هون شيلي المجاملات على طرف )

كانو مقللون عشر كلمات كنت كترون شوي

سفروت

اخي الكبير ورفيقي ويلي برتاح معو كتير وعندو افكار كتير حلوة ومحبوب من كل الناس وقلبو طيب

وطيب وتقيل وبحب اخد رايو دائما
روعة

عنجد رووووووووعة وبحبها كتير ومن الناس الكتيييييييييير قراب مني ودائما بلاقيها وقت بحاجة الها وبحس

شخصيتها كتير قريبة مني وهي كتير حبوبة ودمها خفيف بس عم اتعزبني هل اليومين *_^


عصفور

المدلل عنا وحنووون كتير و مرضي بس عصبي شوي وبحبني اكتر شي بين اخواتو هههههههههه

و طيوب وبحس عقلو اكبر من عمرو بكتير ماشاء الله عليه وبحب عفويتو وصراحتو


ياسمين الشام

اختي الكبيرة يلي دائما بلاقي حل مشكلتي عندها ودائما وقت بكون زعلانة من شي بحب احكي معها

ومن الناس كتير القراب مني وبحبها كتير وبشتقلها كتيييييييييييييييييير وكتير قريبة من القلب

مين اقرب شخص فين الك ؟

ياسمين الشام وروعة

المنتدى شو بيعنيلك ؟

كتير شغلات لانو هاد اول تجربة لسفروت وكتير بحبو وبحسو هاد مشروع سفروت ومالازم يفشل

رح اكتبلك كم شغلة وتقليلي شو الوانها ^_^

شو لون النسيان ؟

بنفسجي

لون الحب ؟

احمر

لون الغدر ؟

اسود

لو الوفاء؟

زهري

لون الصدق؟

ابيض

لون الاخلاص ؟

كمان زهري

لون الكذب ؟

رمادي واحيانا اسود

هلأ قليلي شو اكمل ولا اوقف ؟

ممممممممممممممممممم

ههههههههههههههههههه لا كمل


متاكدة اكمل ؟

اي كمل متاكدة على اساس اذا التلك وقف رح اتوقف ههههههههههه

طيب متل ما بدك ^_*

بتحبي السواقة ؟ اذا نزلتي على سوريا بتفكري تطلعي رخصة ؟

اي كتييييييييير بحب سوق واكيد اول ما طبق 18 اول شي رح اعملو طلع رخصة

شو احلة كوفي شوب بسوريا ؟

والله في كتير بس بحب يلي بالشعلان وبالمزة

اطيب اكلة اكتيها ولهلأ بنفسك تاكليها مرة تانية ؟

والله مرة اكلت اكلة ببوب ون بس مابعرف شو اسمها كانت كتيييييييييير طيبة و اول ما انزل على الشام دغري

لهنيك قبل ما تخلص هههههههههههههه

هلأ رح اسألك سؤال متل عمر بس مو 500 تحت مخدتك لقيتي المصباح السحري وقلك اطلبي واتمني 3 امنيات

شو بتتمني ؟ وليش؟

اول امنية يطلعلي طب بشري بالشام وتاني امنية موت واهلي رضيانين علي وتالت امنية انو كل اخوات يكونو

مبسوطين ويحققو كل احلامهم

اكتبيلنا شو صار معك بالمواقف التالية ؟

اهضم موقف مر عليكي بالمنتدى ؟

اممممممممممم والله كل يوم بيمر مواقف حلوة كتير

اكتر موقف خلاكي تعصبي ؟

اذا بالمنتدى كان وقت اسير الحب قلل ادب على الشات اما خارج المنتدى والله مالي متزكرة هلئ خلص بس لاتزكر

بخبرك

اكتر موقف ضليتي فيه محتارة؟

اسئلتك هلئ هههههههههههه

اكتر موقف انصدمتي من شخص ما بتتوقي منو هالشي ؟

لاء الحمد لله لسا ما صار هيك شي

هلأ شو حاسة بعد كل الاسئلة هي ؟

والله هلكت ومخي عضل ههههههههههههه


سؤااااااااااااال صريح

ما ندمتي انك وقعتي بين ايدين لافلي ههههههههههههههههههههههههههه

لاء عادي انا ياجبل ما يهزك ريح ههههههههههههههههههههه

اسف على الاطالة بس انت قلتيلي رجاع وهي رجعت صح ولا مو صح ؟ *_*

مبلا صح ما شاء الله عليك شو ابتسمع الكلمة هههههههههههه

بدك ياني ارجع ولا لا ^_*

لاء ارجاع اسئلتك كتيرحلوين يسلمو كتير معذب حالك هههههههههه

[انا الحنان وكلي جنان]

هلا

س1؟ كم واحد حبيتي ؟؟

[Ro0o3A]

لموووشتي هلئ فضيتلك

بدي اسالك كم سؤال بس امانة بدون زعل

وحبلش معك بس متل ما اتفقنا بدون زعل

قسم الاسألة اليوم حيكون كلو جرأة ( وحماس هههههههه)

ونبدا

1/ عندك الجراة الكافية انك تحكي عن اول روحة رحتيا انتي وسفروت على مطعم بالشام ؟؟؟ وعندك الجراة تحكي شو صار ؟؟؟

2/ فيكي تحكي قدام العالم شو صار لما رحتي انتي واهلك وولاد عمك السنة على الحج ؟؟؟

وشو ساويتو بعدها ؟؟؟؟

3/ فيكي تحكي مين فاز بالشدة لما كنتو بجدة ومين كان الاول والتاني والتالت والرابع وليش انا ما كنت عم العب .:*_*:. <<<بعرف انكون خايفين مني انو خسركون بس كان في سبب تاني منشانو ما خلتوني العب معكون شو هوة ؟؟؟ .:*_*:.


4/كمان فيكي تحكي شو صار معك انتي واختك لما رحتو على صحارى ؟؟؟ وشو كان بدكون ؟؟ وليش هيك صار ؟؟

5/ احكيلنا عن كوزيت ؟

6/فيكي تحكي شو صار معك يوم الخميس لما كان اجتماع الاعضاء التاني وانتي عم تشوطي الطابه *_^ ؟؟ ههههههههههههههههههههه

7/ احكيلنا عن اول السنة هي شو كان صاير بحالتك ؟؟

8/ تعي لهون لموووش شو مشان افضل مطربي تامر ما عرفتك متورطة الامور معك ؟؟؟

9/ بصراحة احكي انو احلى توقيعك يلي ساوالك ياه جولدن ولا توقيعي *_^ ؟؟ (والله اذا بتجاوبي بحيادية او بتمسحي جوخ يا ويلك) <<<<<بالمشرمحي قولي توقيعي ^^

10/ سمعت انو انتي دافورة ليش يا ترى هيك بقولو عليكي ؟؟؟

11/ هلئ بصراحة بصراحة ليش بحسك لما بتشوفيني بدوخي وبغط على قلبك ههههههههههههههههه؟؟

12/ مين بتفضلي اكتر شي من الثلاثي المرح (اندر _ جولدن _ كوزموز )??


13/ احكيلنا شو ساويتي بانسة الفيزيا تيعك اخر يوم ؟؟

وبس لهون وحاجة مو ولا كمل *_^


(ياحماعه ادعولي اطلع من بين ادين لمووش سالمة ههههه)

[omarr]

رجعنااااااااااااااااااااااا

(^_^)


الصراحة الله يعينك يمكن الأسئلة هي أصعب من الرياضيات والفيزياء

طيب خلينا نبدأ (#_#)

10 + 10 = قديش ؟؟؟

لا عم امزح :)

1 - شو الاحساس يلي بتحسي فيه وقت تلاقي حدا عم يسرق منك الشي يلي بدك ياه ؟؟

2 - لو قالولك انو اللون الزهري اختفى وماعاد في شي اسمو لون زهري .. شو اللون يلي بتكتبي فيه بدال الزهري ؟؟

3 - وقت تحلمي بشي مو حلو مين اول واحد بتروحي بتخبريه على الحلم(الكابوس) وكمان اذا طلع الحلم حلو مين بتخبريه اول واحد؟؟

4 - شو أكثرفلم اجنبي بتحبي تشوفيه , مارح اسألك عربي لاني مابعرف افلام عربية :d ؟؟

5 - لو انك فجأة رحتي على شي مكان وضعتي فيه ؟؟ وطلعتي جوالك وحاولتي تتصلي على كل أهلك ولقيتي انو جوالاتهم مسكرة .. مين أول شخص غير أهلك بتتصلي عليه ؟؟

6 - شو الشي يلي بتحبي تتعلميه بالكمبيوتر ولسى ماتعلمته الى الآن ؟؟

7 - شو أكثر جوال بتحبي يكون معك ؟؟ وشو أكثر ميزة بتحبي تكون موجودة بجوالك الخاص ؟؟

8 - شو بتمثلك هالشغلات :

النت

طب العيون

الساعة

البيبسي

الجوال

مسلسل الكرتون :عدنان ولينا

فستان العروس ( اجا على بالي أضحك ههههههه)

ســــــــــــــــوريــــــــا

شو بتعنيلك هي العمليات :

+

-

=

*

/

الحب

الكره

10 - شو رايك بالسفر من الرياض الى الشام أثناء الزحمة ؟؟ وعجقة الباصات وشو الحل برايك ؟؟؟؟؟؟؟؟؟؟؟
انا برأي الحل انو الواحد يسافر بالطيارة :d

جاوبي يعطيكي العافية .. والله يكون معك

[lamo0osh]

هلا

اهلا نور الكرسي
س1؟ كم واحد حبيتي ؟؟

كتاااااااااااااااااار يعني بصراحة ما عديتون يعني كل يوم واحد هههههههههههههههههه

[lamo0osh]

لموووشتي هلئ فضيتلك

اي الحمد لله طمنيني

بدي اسالك كم سؤال بس امانة بدون زعل

ماشي وعد مني بدون زعل بس متاكدة انو اسئلتك من تحت لتحت

وحبلش معك بس متل ما اتفقنا بدون زعل

ماشي يلا

قسم الاسألة اليوم حيكون كلو جرأة ( وحماس هههههههه)

ايوة الله يعين لكن

ونبدا

1/ عندك الجراة الكافية انك تحكي عن اول روحة رحتيا انتي وسفروت على مطعم بالشام ؟؟؟ وعندك الجراة تحكي شو صار ؟؟؟

اي عندي الجراة القصة ومافيها انو كان سفروت بدو يشتري جوال وانا كنت معو يعني بالمشرمحي كان معنا مصاري

كتيييييييير ففكرنا انروح نتغدا النا لحلانا بنصرف شي 500 ليرة ورحنا على مطعم مالي متزكرة اسمو

بباب الجابية وفتنا على هل المطعم وطبعا سفروت اجاه الكرم الحاتمي والي طلبي يلي بدك ياه و طلبنا واجا

الكرسون وبلش ينزل الطلبات وياريت بس يلي طلبناهم نزل كمان كبب ومقبلات وشو ما بدكون وانا قلو لسفروت لك

ما طلبنا كل هاد ولا حياة لمن تنادي المهم اكلنا وخلصنا واجينا لنحاسب و والله لايفرجيكون الحساب كان غير شكل

بس الحمد لله نفدنا وارجعنا على البيت وايد من ورا وايد من ادام ولا جوال ولا هم يحزنون :36_1_4[1]:


2/ فيكي تحكي قدام العالم شو صار لما رحتي انتي واهلك وولاد عمك السنة على الحج ؟؟
وشو ساويتو بعدها ؟؟؟

اي فيني احكي هاد ياستي رحنا على الحج يوم عرفة الساعة 10 الصبح والنا اكيد بنلحق انحج وركبنا بهل السيارة

وانطلقنا ووصلنا وكان في عجئة كتير على الطريق لعرفة وطبعا تيربو وسفروت نايمين كل العادة وكمان كان

عصفور وروعة نايمين يعني بالمشرمحي كنت انا وشاغور فايقين بس وطبعا بابا وماما ويلي بيفشل اكتر شي

انو وصلنا على عرفة بعد ما اذن ب5 دقايق يعني يطعمكون حجة والناس راجعة :36_11_16[1]:

فرحنا على جدة وكان يوم من العمر وبعدين عملنا عمرة ورجعنا على الرياض


3/ فيكي تحكي مين فاز بالشدة لما كنتو بجدة ومين كان الاول والتاني والتالت والرابع وليش انا ما كنت عم العب .:*_*:. <<<بعرف انكون خايفين مني انو خسركون بس كان في سبب تاني منشانو ما خلتوني العب معكون شو هوة ؟؟؟ .:*_*:.

كنا وقتها عم نلعب تريكس انا وتيربو و ياسمين الشام وعصفور وانتي ما كنتي عم تلعبي لانو كنتي عم اتساويلنا

قهوة (الله يرضا عليكي ) اي المهم ويلي بيقهر اكتر شي انو عند اخر دق وانا كنت الاولى وكانت الطلب تريكس

ام ياسمين الشام عملت جهدها وقتها وسبقتني :36_1_4[1]:

الاولى ياسمين الشام والتانية انا (لموووووش) والتالت تيربو والرابع عصفور


4/كمان فيكي تحكي شو صار معك انتي واختك لما رحتو على صحارى ؟؟؟ وشو كان بدكون ؟؟ وليش هيك صار ؟؟

اي لاء ولييييييييي طيب رح احكي بس كانو روعة في تفشيل كمان الك هههههههههههههههه بس هي القصة من

زمااااااااااااااااااااااااان يعني كنا صغاااااااار كتير

هداك اليوم ماعم اتزكر شو كان بدنا المهم شي من ادوات التجميل المهم فتنا على هل المحل وكان ما بهو شي

والله لايفرجيكون من كتر مو انا حلوة وظريفة (احم احم ) ما ضل شخص بالمحل الا واجا وسالنا شو بتريدو

وانا وروعة اتلبكنا واجتنا الصدمة وماعرفنا نحكي شي النا شكرا وطلعنا :36_11_16[1]:

5/ احكيلنا عن كوزيت ؟

هاد وانا وصغيرة يمكن عمري شي 3 سنين كان في افلام كرتون اسمها كوزيت قصتها بتكون بنت يتيمة وزوجة

ابوها بتعذبها ويعني متل كل هل القصص اي المهم كان ياسمين الشام وسفروت وتيربو وشاغور بيحبوها كتير

وانا كنت كل ما شوفها ابكي كتييييير وما خليهون يشوفوها ووقف ادام التلفزيون وطبعا اهلي يداروني لاني لسا

صغيرة واخواتي وولاد عمي اكيد كانو مو مسدقين ايمتى نام :36_1_4[1]:


6/فيكي تحكي شو صار معك يوم الخميس لما كان اجتماع الاعضاء التاني وانتي عم تشوطي الطابه *_^ ؟؟ ههههههههههههههههههههه

اي لاء اي لاء اي لاء اكيد مافيني احكي بس رح احكي ليش هيك صار وانتو تخيلو شو صار

هاد القصة ومافيها انو انا بعرف شوط منيح يعني بعرف العب وكان في امي وام الاندر وروعة وبلشت روعة تحكي

امااااانة شوطي الطابة وانا الها لاء مالي لابسة بوط رياضة وبلشت امي وام الاندر يترجوني ومن شان الله وطبعا روعة

كمان وانا انحرجت انو شو بدي اعمل الت خلص يا بنت شوطيها بس عنجد كانت الشوطة حلوة كتيييييير

يعني باين عليها اني بعرف العب بس لولا التفشيلة وانتو هلئ اتخيلو شو كانت الفشيلة :36_19_1[1]:



7/ احكيلنا عن اول السنة هي شو كان صاير بحالتك ؟؟

اول السنة كنت كتيييييييييير محبطة لاني تركت كل رفقاتي ومدرستي يلي بحبها وانتقلت لمدرسة تانية

عنجد يمكن ضليت شي اسبوعين زعلانة وبدي ارجع لمدرستي بس الحمد لله خلصت على خير

8/ تعي لهون لموووش شو مشان افضل مطربي تامر ما عرفتك متورطة الامور معك ؟؟؟

والله ياروعة هو المتطور طيب اذا ماعرفتيني تعي اتعرفي ما بخجلك ^^


9/ بصراحة احكي انو احلى توقيعك يلي ساوالك ياه جولدن ولا توقيعي *_^ ؟؟ (والله اذا بتجاوبي بحيادية او بتمسحي جوخ يا ويلك) <<<<<بالمشرمحي قولي توقيعي ^^

ما بدها تفكير ولا تردد اكيد توقيعي يعني بيكفي انو مكتوب على تبعي اسم lamo0osh *_^

10/ سمعت انو انتي دافورة ليش يا ترى هيك بقولو عليكي ؟؟؟


ومن وين اسمعتي هاتي لشوف ههههههههههه لانون غيرانين هههههههههههههههههه:36_15_8[1]:


11/ هلئ بصراحة بصراحة ليش بحسك لما بتشوفيني بدوخي وبغط على قلبك ههههههههههههههههه؟؟

لاني بحبك وخجلانة الك ههههههههههه ويمكن لاسباب تانية مارح الك هلئ من شان النفسية ههههههههههه


12/ مين بتفضلي اكتر شي من الثلاثي المرح (اندر _ جولدن _ كوزموز )??

بصراحة و عنجد انا هل السؤال ما فكرت فيه بيني وبين حالي لاني بحسون كلون نفس الشي بالنسبة لالي

يعني اندر بحب احكي معو وقت كون مدايقة بحسو بيريح كتير وطبيعي واكيد الاندر خرج ههههههههههههه

غولدن بحسو بيجمع بين الاندر وكوزموز والو مستقبل بالتصميم *_^

كوزموز عفوي ودمو خفيف وافكارو حلوة

13/ احكيلنا شو ساويتي بانسة الفيزيا تيعك اخر يوم ؟؟

بصراحة هي اكتر انسة كنت متجاكرة منها لانو كانت مابتفهم ابدا (لك مشتهية شوف انسة فيزيا بتفهم )

فاجيت اخر يوم انا ورفقاتي و بلشنا فيها على حكي وتفشيل ومقالب هههههههههههههههههه

وبس لهون وحاجة مو ولا كمل *_^


لاء انا براي ريحي حالك شوي لك شو هل الاسئلة ما ضل شي محرج الا حكيتي عنو هههههههههههههههه


(ياحماعه ادعولي اطلع من بين ادين لمووش سالمة ههههه)

والله انا اعتقد حتى لو دعولك مارح تنفدي لك الله يعينك اليوم ههههههههههههههههه

[lamo0osh]

رجعنااااااااااااااااااااااا

(^_^)


يا اهلا وسهلا

الصراحة الله يعينك يمكن الأسئلة هي أصعب من الرياضيات والفيزياء

ايوة لكن الله يعين

طيب خلينا نبدأ (#_#)

10 + 10 = قديش ؟؟؟

دقيقة لجيب الة حاسبة بس يمكن 100 هههههههههههههه

لا عم امزح


اي الحمد لله

1 - شو الاحساس يلي بتحسي فيه وقت تلاقي حدا عم يسرق منك الشي يلي بدك ياه ؟؟

امممممم اكيد بكون بدي اخنقو ههههههههههههه


2 - لو قالولك انو اللون الزهري اختفى وماعاد في شي اسمو لون زهري .. شو اللون يلي بتكتبي فيه بدال الزهري ؟؟

له له شو يختفي بس يعني اذا صار هيك شي فبكتب بالبنفسجي

3 - وقت تحلمي بشي مو حلو مين اول واحد بتروحي بتخبريه على الحلم(الكابوس) وكمان اذا طلع الحلم حلو مين بتخبريه اول واحد؟؟

والله يلي بيطلع بوشي اول ما فيق بحكيلو هههههههههههه


4 - شو أكثرفلم اجنبي بتحبي تشوفيه , مارح اسألك عربي لاني مابعرف افلام عربية :d ؟؟

فلم اجنبي في كتييييييييييييييييير منل A WALK TO REMEMBER

5 - لو انك فجأة رحتي على شي مكان وضعتي فيه ؟؟ وطلعتي جوالك وحاولتي تتصلي على كل أهلك ولقيتي انو جوالاتهم مسكرة .. مين أول شخص غير أهلك بتتصلي عليه ؟؟

بتصل برفقاتي وبالون انقذوني ههههههههههههه

6 - شو الشي يلي بتحبي تتعلميه بالكمبيوتر ولسى ماتعلمته الى الآن ؟؟

بصراحة في كتير منهون حابة اتعلم البرمجة


7 - شو أكثر جوال بتحبي يكون معك ؟؟ وشو أكثر ميزة بتحبي تكون موجودة بجوالك الخاص ؟؟

walkman910 واكتر ميزة انو يكون صوتو نقي وعالي

8 - شو بتمثلك هالشغلات :

النت

عالمي الخاص والتواصل مع العالم

طب العيون

حلم حياتي

الساعة

كلشي بالحياة متعلق بالساعة يعني اهم شي بالحياة

البيبسي

مضرة بس بحبها
الجوال

جهاز لابد منو بكل بيت

مسلسل الكرتون :عدنان ولينا

احلى مسلسل واروع قصة

فستان العروس ( اجا على بالي أضحك ههههههه)

اي خود راحتك هههههههههه اكيد احلى فستان لكل بنت

ســــــــــــــــوريــــــــا

احلى بلد بهل الدنيا و وطني الحبيب

شو بتعنيلك هي العمليات :

+

جمع ههههههههه عملية لا بد منها

-

اغلظ عملية ^^

=

احلى عملية واكتر عملية بيكون الواحد منتظر يلي بعدها
*

اصعب عملية لانو لسا لهلئ مالي حافظة جدول الضرب^^

/

كمان صعبة لاني مابعرف قسم بدون الة

الحب

احلى شي بالدنيا ومستحيل الحياة بدونو

الكره

ابشع شعور

10 - شو رايك بالسفر من الرياض الى الشام أثناء الزحمة ؟؟ وعجقة الباصات وشو الحل برايك ؟؟؟؟؟؟؟؟؟؟؟
انا برأي الحل انو الواحد يسافر بالطيارة :d

بتصدق انو انا بحب سافر عـالشام من شان الطريق وما بفكر اطلع بالطيارة لانو بحب البر كتير

جاوبي يعطيكي العافية .. والله يكون معك

تسلم ويسلمو على الاسئلة الحلوة

[Ro0o3A]

طيب لموووشتي

شمري وتعي جاوبي على هدول الاساله (على فكرة انا مهددة انو ما حطلا اساله هههههههه)

طيب نبدا من جديد

طولك وزنك لون عيونك (بس امانة بطريقك وانتي عم تحكي على لون عيونك تقولي شو صار معك وانتي عم طلعي هويتك ههههههه)؟؟


كم وحده بمسنجرك وكم وحده محظورة ؟؟؟

ايمتى بتنامي وايمتى بتفيقي ؟


أديش الساعه هلء وشو اليوم وشو التاريخ هجري وميلادي ؟؟


كم ساعة عندك وكم وحده شغالة ؟؟؟

اديش عمرك ؟؟

بتتذكري لما فاتت الطابة بنص وشك وقت ياسمين شاطتها مين كان موجود وشو كان شعورك وتوجعتي ولا لاء ؟؟؟ ههههههههههههههههههه

اذا قلتلك معك دفتر وقلم شو بتكتبي قصة خيالية او واقعية ؟؟؟ وعن شو بتحكي هل القصة يلي بدك تكتبي عنها ؟؟

كم كيلو نحفتي باختبارات البكلوريا النصفية ؟؟؟ كمان كم كيلو بالاختبارات النهائية ؟؟

بتحطي نظارات ؟

تقريبا كم وجبة بتاكلي باليوم ؟؟<<<بدي اعرف سر رشاقتك هههههههههههههههههههه


بتحبي اسمك ؟؟


بتغاري انو اسماء اخواتك احلى من اسمك ؟؟

بتعرفي تحكي انجلزي منيح ؟؟


بمين عم تفكري بهل اللحظة وبهي الثانية اعترفي؟؟

شو بتحبي اكتر شي بسفروت وشو بتكرهي فية ؟؟

نفس السؤال يلي قبلو بس على ياسمين وروعه وعصفور وتيربو وشاغور ؟؟؟

شو نوع جوالك يلي انسرق .:*_*:. ؟؟

شو اكتر صورة شفتيها بحياتك عجبتك ؟؟؟


لمين تحبي تغني يعني بتحسي صوتك على اي اغاني بيلبق ؟؟

بشو بتذكرك كلمة (حياتي ) ؟؟؟؟

احكيلي شي موقف ارتعبتي فية ؟؟؟

مين بتتمني بصراحة يكون على كرسي الاعتراف الاسبوع الجاية ؟

شو جاية على بالك الاعضاء يسالوكي يعني في سؤال معين جاية على بالك حدا يسالك ياه ؟

مين بتحبي اكتر شاغور ولا تيربو ؟؟

اذا سالت هلئ اديش معك فلوس بتجاوبيني بصراحة ولا بتكشي عليّ متل عادتك ؟؟طيب اديش معك ؟؟؟



طيب اذا طلبت منك انك تدينيني بتدينيني ولا لاء ؟؟

شو اخر غنية سمعتيها ؟؟

اميتى بتحسي حالك فايتة بالحيط ؟؟؟

بدي اسالك سؤال جدي بس عنجد جاوبيني بجدية

من وين بتستمدي قوة شخصيتك يعني ما شا الله عليكي؟؟؟؟

بتحبي الورد ؟؟ واي لون بتحبي تكون الوردة ؟؟

شو اكتر شي بتحبي بشخصيتي ؟؟؟

بصرااااااااااحة

شخصيتي بالمنتدى نفس شخصيتي برا المنتدى ؟؟؟؟

طيب هلئ نفس السؤال بس عليكي يعني بتحسي شخصيتك برا المنتدى نفسها شخصيتك جوا المنتدى ؟؟


بتحبي الجبنة ؟؟؟

حتشتاقيلي لما تنزلي على الشام ؟؟ ولا حتنسيني ؟؟؟


حضلي تحكي معي انتي وياسمين ولا كمان حتنسوني ؟؟؟

وبس اليوم خلصت


بس بدي اعترفلك بشغلة اخر شي

انو انا عنجد بمووووووووت عليكي وبحبك

وبدي الك حتى لو نزلتي على الشام وافترقنا حضلي اغلى من عيوني وحضل دائما اتزكرك كل لحظة وكل ثانية انت وياسمين


وديرو بالكون على بعض

[lamo0osh]

طيب لموووشتي

شمري وتعي جاوبي على هدول الاساله (على فكرة انا مهددة انو ما حطلا اساله هههههههه)

ماشي شمرت بس شو مهددة هي ههههههههههههههه الله يسامحك ولو

طيب نبدا من جديد

طولك وزنك لون عيونك (بس امانة بطريقك وانتي عم تحكي على لون عيونك تقولي شو صار معك وانتي عم طلعي هويتك ههههههه)؟؟

طولي 160 وزني 49 لون عيوني عسلي

ماشي من عيوني روعة بس مو كانو خلصو قسم الاسئلة المحرجة ههههههههههههههههه

هاد القصة وما فيها كنت عم طالع هوية بالشام وبتعرفو العجئة والموظفين السورين اديش بينحبو

اي المهم فتنا على الغرفة من شان نكتب البيانات عند الموظف فهنن بيكتبو لك العالم بني ام انا الو عسلي

ومابيفهم لك الو عسلي وما يفهم بس الحمد لله بالاخير فهم وشاف شغلو هههههههههههههههه:36_7_5[1]:


كم وحده بمسنجرك وكم وحده محظورة ؟؟؟

والله انا عندي اتنين الاول فيو كل رفقاتي بالمدرسة 13 وعندي فيو الاهل 14

اما التاني ما فيو غير 2 وماحدا محظور

ايمتى بتنامي وايمتى بتفيقي ؟

والله بنام وبفيق حسب المزاج يعني مافي وقت محدد


أديش الساعه هلء وشو اليوم وشو التاريخ هجري وميلادي ؟؟

الساعة هلئ 6 الا تلت اليوم الاتنين والتاريخ الميلادي 7_7_2008 التاريخ الهجري والله مابعرف هلئ

مشوار روح شوف هههههههههههههه

كم ساعة عندك وكم وحده شغالة ؟؟؟

عندي كتير بس يمكن الشغال منهون شي 5

اديش عمرك ؟؟

17 ونص

بتتذكري لما فاتت الطابة بنص وشك وقت ياسمين شاطتها مين كان موجود وشو كان شعورك وتوجعتي ولا لاء ؟؟؟ ههههههههههههههههههه

اي متزكرة كنا عم نلعب بلينتي وكان دوري اني كون حارس واجت ياسمين عملت كل جهدها وشاطتت

هديك الشوطة وكان في كل اهلي وتيربو بصراحة اتوجعت بس عادي يعني ارجعت كملت اللعب عادي


اذا قلتلك معك دفتر وقلم شو بتكتبي قصة خيالية او واقعية ؟؟؟ وعن شو بتحكي هل القصة يلي بدك تكتبي عنها ؟؟

لاء خيالية وموضوعها حسب الالهام والوحي ههههههههههههههه


كم كيلو نحفتي باختبارات البكلوريا النصفية ؟؟؟ كمان كم كيلو بالاختبارات النهائية ؟؟

بالنصفي 10 كيلو اما بالنهائي 5 كيلو ونص


بتحطي نظارات ؟

اي بحط

تقريبا كم وجبة بتاكلي باليوم ؟؟<<<بدي اعرف سر رشاقتك هههههههههههههههههههه

ههههههههههههههههه ماشي استفيدي لالك 3 وجبات فطور وغدا وعشا مع تفاحة يومية

بتحبي اسمك ؟؟

اي كتيييييييييييير


بتغاري انو اسماء اخواتك احلى من اسمك ؟؟

لاء لانون مو احلى

بتعرفي تحكي انجلزي منيح ؟؟

موكتير بس بيطلع معي شي مهم وقت الحاجةههههههههههههه


بمين عم تفكري بهل اللحظة وبهي الثانية اعترفي؟؟

فيكي حياتي ههههههههههههههههههههه

شو بتحبي اكتر شي بسفروت وشو بتكرهي فية ؟؟

بحب اكتر شي تقلو وقلبو الطيب وما بحب فيه انو بينشغل احيانا كتير عنا

نفس السؤال يلي قبلو بس على ياسمين وروعه وعصفور وتيربو وشاغور ؟؟؟

ياسمين يلي بحبو فيها انو بتفهم علي ويلي ما بحبها انو عنيدة شوي

روعة الحلو فيها بتسامح بسرعة ويلي ما بحبو فيها انو دغري بتزعل ماشا الله عليها شو حساسة

ههههههههههههههههههه

عصفور الحلو فيه انو حنون كتير ويلي ما بحبلو فيه انو عصبي

تيربو الحلو فيه ذاكرتو فوية ماشاء الله و يلي مو حلو انو كمان عصبي ونعساااان هههههههههههه

شاغور الحلو فيه انو دمو خيف وبيفهم عـطاير ويلي مو حلو فيه انو عيونو خضر وانا عسلي :36_1_4[1]:


شو نوع جوالك يلي انسرق .:*_*:.

نوكيا بس والله نسيانة رقمو

شو اكتر صورة شفتيها بحياتك عجبتك ؟؟؟

صورتي هههههههههههههههههههههههه


لمين تحبي تغني يعني بتحسي صوتك على اي اغاني بيلبق ؟؟


على كل الاغاني بس اكتر شي على فيروز (احم احم )

بشو بتذكرك كلمة (حياتي ) ؟؟؟؟

بكتير شغلات بس هي الكلمة انا دائما بقولها بالسراء والضراء ههههههههههههه

احكيلي شي موقف ارتعبتي فية ؟؟؟

بغير افلام الرعب لسا ما ارتعبت رعبة تذكر

مين بتتمني بصراحة يكون على كرسي الاعتراف الاسبوع الجاية ؟

مابتفرق المهم شخص بينحب هههههههههههههه


شو جاية على بالك الاعضاء يسالوكي يعني في سؤال معين جاية على بالك حدا يسالك ياه ؟

انا حابة يسالوني يلي هنن حابين يعرفو عني يعني يلي نفسو يسال شي سؤال لا يستحي :36_1_40[1]:

مين بتحبي اكتر شاغور ولا تيربو ؟؟

نفس الشي الاتنين ولاد عمي وبحبون كتييييييييييييييييييييييير واقرب الناس النا

اذا سالت هلئ اديش معك فلوس بتجاوبيني بصراحة ولا بتكشي عليّ متل عادتك ؟؟طيب اديش معك ؟؟؟

ههههههههههههههههههههههه يمكن شي 1000 ريال هي ما فيها كش منيييييح

هههههههههههههههه


طيب اذا طلبت منك انك تدينيني بتدينيني ولا لاء ؟؟

لااااااااااااااااااااااااااااااااااااااااء هههههههههههههههههههههههههه اكيد على حسابك ولو ما بدها سؤال

شو اخر غنية سمعتيها ؟؟

عمرها حصلتلك لتامر حسني

اميتى بتحسي حالك فايتة بالحيط ؟؟؟

كل ما بشوفك حياتي ههههههههههههههههه


بدي اسالك سؤال جدي بس عنجد جاوبيني بجدية

ماشي اسئلي


من وين بتستمدي قوة شخصيتك يعني ما شا الله عليكي؟؟؟؟

من الطاقة الشمسية هههههههههههه بس طالما جدي عنجد ما بعرف موهبة ربانية

بتحبي الورد ؟؟ واي لون بتحبي تكون الوردة ؟؟

اي كتير بحب تكون بيضا

شو اكتر شي بتحبي بشخصيتي ؟؟؟

انو بتسامحي بسرعة وقلبك كبير

بصرااااااااااحة

شخصيتي بالمنتدى نفس شخصيتي برا المنتدى ؟؟؟؟

لاء انتي بالمنتدى بختلفي كتير عن برا المنتدى كانك مو روعة هههههههههههه


طيب هلئ نفس السؤال بس عليكي يعني بتحسي شخصيتك برا المنتدى نفسها شخصيتك جوا المنتدى ؟؟

مو كتير بتختلف برا المنتدى خجولة اكتر اذا كان الناس جداد بس برجع متل ما انا بسرعة لما باخد على

الجو


بتحبي الجبنة ؟؟؟

اي بحبها كتير

حتشتاقيلي لما تنزلي على الشام ؟؟ ولا حتنسيني ؟؟؟

بحاول اشتقلك هههههههههههههههههه


حضلي تحكي معي انتي وياسمين ولا كمان حتنسوني ؟؟؟

كمان بنحاول هههههههههههههه

وبس اليوم خلصت

اهلا وسهلا دائما حياتي


بس بدي اعترفلك بشغلة اخر شي

انو انا عنجد بمووووووووت عليكي وبحبك

وبدي الك حتى لو نزلتي على الشام وافترقنا حضلي اغلى من عيوني وحضل دائما اتزكرك كل لحظة وكل ثانية انت وياسمين

وديرو بالكون على بعض


تسلميلي والله انا اكتر يعني انتي بتعرفي غلاوتك عندي ما بدك حدا يقلك وانا مو حابة ادرس بالشام من

شان ما بعد عنك الله يخليلي يا كون كلكون وما يحرمني منكون يا احلى اهل وانا كمان بحبببببببببببببك

كتير وبموت عليكي

[UNDERTAKER]

لموووش مبروك الكرسي رغم أنو أجت متأخرة والله يعينك من هالشعب المتعطش لمعرفة خفايا لمووووش

و بسم الله رح نبلش

:36_1_4[1]: رووعة ما تركت سؤال يعتب عليها شو بدي أسألك شو بدي أسألك ؟؟

حلو

1. ليش بتعتبري تامر حسني فنان؟
2.شو رائيك بال New Look تبع سفروووت و تيربو؟
3. كيف كان شعورك لما فازت اسبانيا بالبطولة؟
4.لموووش أعلى مراتب الحب لشخص ما لوين بتوصل عندك؟

لهون حاجة وخليني فكر بشي خطير ورجعلك

[lamo0osh]

لموووش مبروك الكرسي رغم أنو أجت متأخرة والله يعينك من هالشعب المتعطش لمعرفة خفايا لمووووش

الله يبارك فيك ويا اهلا وسهلا لك نور الكرسي ايه من زمان طل علينا هههههههه *_^


و بسم الله رح نبلش

رووعة ما تركت سؤال يعتب عليها شو بدي أسألك شو بدي أسألك ؟؟

الله يخليلي ياها عاملة جهدا ^^

حلو

1. ليش بتعتبري تامر حسني فنان؟

هلئ تامر حسني انا مبحب اغانيه كتير بس بحب افلامو يعني تمثيلو حلو حتى هو موكتير بينحب ^^

2.شو رائيك بال New Look تبع سفروووت و تيربو؟

تيربو والله لسا ما شفتو بس لشوفو بقلك بس سفروت بصراحة مو كتير حلو يعني كان اول احلى

3. كيف كان شعورك لما فازت اسبانيا بالبطولة؟

كان شعور غير شكل مع اني كنت متاكدة انون رح يفوزو هههههههههههههه وعقبال كاس العالم يارب


4.لموووش أعلى مراتب الحب لشخص ما لوين بتوصل عندك؟

ممكن تصير كتير عالية انا متاكدة اذا كان في انسان مناسب وبيحبني وبحبو رح اعمل اي شي من شانو ورح حاول انكون مبسوطين اد ما بقدر ^^

لهون حاجة وخليني فكر بشي خطير ورجعلك

ماشي اندر اخطر ما عندك اسئال وانا بانتظارك وشكرا على الاسئلة الحلوة كتيييييييير *_^

[متيمة نور]

لموووشتي الحلوة على الكرسي

يا اهلين

تعي لهون جاوبيلي على هل الكم سؤال

1/ شو الخطة العامة لمستقبلك ؟؟؟

2/ شو عاملة خطة لهل الاسبوع ؟؟

3/ بتعتبري حالك من الناس الصبورين ؟؟؟

4/ شو احلة هدية استلمتيها بحياتك ؟؟

5/ شو يلي ما بتحبي بامك ؟؟ عنجد عنجد وبعيد عن المجاملة

6/ اديش حافظة قران ؟؟ وشو حاطة ببالك خطة لحفظ القران ؟؟؟

7/ ايمتى بتكون لموووش اكثر سعادة ؟؟؟

8/ شو الاكلة المميزة عندك ؟؟؟

9/ مين بتحبي الماما ولا البابا اكتر ؟؟ مافي عقوبة على الصراحة هههههههههههههه

10 / شو رايك لو اعدتي بالشام لوحدك بالبيت والبناية فاضية ومافي اكل وجوعانة وتعبانة شو بيخطر على بالك تساوي ؟؟ هههههههه

ــــــــــــــــــــــــــــــــــــــــــــــــــ ـــــــــ

امنياتي لكي ان تكوني سعيدة في حياتك وناجحة ومتل هل الايام بنحتفل بختمك للقران

والله يسرلك وويفقك

[ياسمين الشام]

هااااااااااااااااااااااااااااااي لموووووووووووووووش
اول شي انا عنيدة :36_1_28[1]:

شو شعورك انو السنة الجاية حكون انا وياكي مع بعض ببيت لوحدنا ؟؟

شو بتتوقعي حتزعجيني أو تعذبيني ؟؟؟

مين اكثر عضو بالمنتدى صرلو زمان مافات واستفقدتولو ( طبعا غيري ) ؟؟


واخر شي شو اشتريتيلي هدية لعيد ميلادي ( مو تعمليلي شراكة انتي ورورو وتهدوني هدية وحدة بدي من كل وحدة هدية ) ؟؟ :36_15_8[1]:

[lamo0osh]

لموووشتي الحلوة على الكرسي

يا اهلين

اهلا وسهلا بااحلى ام بهل الدنيا *_^

تعي لهون جاوبيلي على هل الكم سؤال

يلا اجيت

1/ شو الخطة العامة لمستقبلك ؟؟؟

اني كون طبيبة عيون ناجحة

2/ شو عاملة خطة لهل الاسبوع ؟؟

اممممممممممم مافي خطة معينة انتو خططو ونحنا موافقين

3/ بتعتبري حالك من الناس الصبورين ؟؟؟

والله مابعرف بس يمكن اي

4/ شو احلة هدية استلمتيها بحياتك ؟؟

كتير في هدايا حلوين منهون هدايا نجاحي بالبكلوريا كتير حلوين *_^

5/ شو يلي ما بتحبي بامك ؟؟ عنجد عنجد وبعيد عن المجاملة

شو هل الاسئلة المحرجة هههههههههه عنجد مابعرف بحياتي مافكرت بهل السؤال

( انا بحسك مثلي الاعلى ) وبدون مجاملة

6/ اديش حافظة قران ؟؟ وشو حاطة ببالك خطة لحفظ القران ؟؟؟

شي نصو وان شا الله رح كمل واحفظو كلو

7/ ايمتى بتكون لموووش اكثر سعادة ؟؟؟

وقت بيكون كل اهلي مبسوطين والبيت كلو رايق

8/ شو الاكلة المميزة عندك ؟؟؟

صفيحة وكبة لبنية

9/ مين بتحبي الماما ولا البابا اكتر ؟؟ مافي عقوبة على الصراحة هههههههههههههه

اي شو هل السؤال اكيد انتو الاتنين اغلى شي عندي بالحياة وما في فرق بيناتكون الله يخليلي ياكون يارب

10 / شو رايك لو اعدتي بالشام لوحدك بالبيت والبناية فاضية ومافي اكل وجوعانة وتعبانة شو بيخطر على بالك تساوي ؟؟ هههههههه


نااااااااام ههههههههههههههههه واكيد رح كون خايفة لانو صار فلم رعب هههههههههههههههههههه

ــــــــــــــــــــــــــــــــــــــــــــــــــ ـــــــــ

امنياتي لكي ان تكوني سعيدة في حياتك وناجحة ومتل هل الايام بنحتفل بختمك للقران

والله يسرلك وويفقك

اميييييييييييييييين

تسلميلي يااحلى ام والله يخليلنا ياكي فوق راسنا ونورتي الكرسي *_^

[lamo0osh]

هااااااااااااااااااااااااااااااي لموووووووووووووووش

لك نور المنتدى كلو تسلميلي حياتي

اول شي انا عنيدة

طيب شو اعملك هيك انتي ههههههههههههه

شو شعورك انو السنة الجاية حكون انا وياكي مع بعض ببيت لوحدنا ؟؟

وليييييييييييييي هههههههههههههه يلا الله بعين شواعمل ههههههههههههه

شو بتتوقعي حتزعجيني أو تعذبيني ؟؟؟

والله عم فكر الاتنين ههههههههههههههههههههه

مين اكثر عضو بالمنتدى صرلو زمان مافات واستفقدتولو ( طبعا غيري ) ؟؟

اي شو هاد واثقة من حالك ما عم اعرفك هههههههههههه ما اعتقد انو في عضو صرلو زمان ما فات


واخر شي شو اشتريتيلي هدية لعيد ميلادي ( مو تعمليلي شراكة انتي ورورو وتهدوني هدية وحدة بدي من كل وحدة هدية ) ؟؟

عم فكر هل السنة لا شراكة ولا غيرها هههههههههههه لاء عم امزح معك بس خليها مفاجئة




يسلمو كتير على الاسئلة الحلوة هههههههههههه *_^

[CUPID]

بسم الله الرحمن الرحيم

أنا صحيح جديد هون بهالمنتدى لكن أنا كنت من فترة على كرسي الاعتراف بمنتدى تاني

وسألني شخص سؤال عقدجني كتير

وأخدت عهد على نفسي انو أسألو لكل شخص قعد على هالكرسي

وبما انو فتت على هالمنتدى وفيو كرسي الاعتراف فحبيت اسألك هالسؤال الوحيد:

اذا معك المايك 5 دقايق واللي رح تحكيه رح يسمعو العالم كلو قاطبة شو الحكي اللي رح تحكيه بالخمس دقائق

ما بعرف اذا حدا طرح هالسؤال قبلي لكن انا حبيت أعرف الجواب

تحياتي

[Lovely Smile]

الله يعطيكن العافية جميعا وما قصرتوا بالاسئلة

انا كنت رح سكر الموضوع الليلة بس في عضو جديد وغالي علينا ما منقدر نزعلوا سأل سؤال

بالتالي رح نستنى لموش تجاوب بعدين نغلق الموضوع

لافلي

[lamo0osh]

بسم الله الرحمن الرحيم

أنا صحيح جديد هون بهالمنتدى لكن أنا كنت من فترة على كرسي الاعتراف بمنتدى تاني

اهلا وسهلا فيك نور الكرسي والمنتدى

وسألني شخص سؤال عقدجني كتير

وأخدت عهد على نفسي انو أسألو لكل شخص قعد على هالكرسي

وبما انو فتت على هالمنتدى وفيو كرسي الاعتراف فحبيت اسألك هالسؤال الوحيد:

اذا معك المايك 5 دقايق واللي رح تحكيه رح يسمعو العالم كلو قاطبة شو الحكي اللي رح تحكيه بالخمس دقائق

ما بعرف اذا حدا طرح هالسؤال قبلي لكن انا حبيت أعرف الجواب

اممممممممم يمكن في كلام كتير احكيه بس طالما خمس دقايق بدي اقول الله خليلي اهلي و يضل المنتدى

منور باحلى اعضاء والكل يضل بخير

تحياتي

[lamo0osh]

بدي اشكر كل الاعضاء يلي ساهمو بطرح الاسئلة او حتى بس شافو الموضوع

وان شا الله تكونو عرفتوني اكتر وكنت خفيفة الظل عليكون

وعنجد كانت التجربة بتجنن

واسترو ما شفتو منا

*_^

[Lovely Smile]

الله يعطيك العافية لموش
عن جد عشنا اسبوع حلو معك
عرفنا احزانك
وعشنا لحظات فرحك
اكيد تعرفنا عليك اكتر وحبيناك اكتر
على العموم الله يعطيك العافية وما قصرت

لافلي