لـ.ـ.ـ.ـ.ـمـــــإأّذ لانتزوج من نحــــب ؟؟

[SAFRO0T]

بســــــــم الله الرحمــــــن الرحيـــــــم
\
\
\
اخوااااني اخواتي أعضاء حارات الشام الكرام
كنت ذات يوم أنا ووالداي في أحد الليالي راكبين بالسيارة راجعين من عرس أبن رفيق الوالد ونحنا بطريق الرجعه قالت أمي لأبي عقبال أبننا أن شاء الله :36_1_25[1]:
قالها الوالد يالله السنه الجايه بلشي خطبيلو :36_1_12[1]:
قلتلون أنا شو خطبه ماخطبه يعني بركي أنا في شي وحده ببالي :36_15_8[1]:
قالت أمي أوعك تفكر هيك تفكير ها
دائما أنتو الشباب لما بتختارو شريكة حياتكون مابتنظرو لكل النواحي بتضل نظرتكون سطحية يعني لازم أهلك هنن اللي يخطبولك بتضل نظرتهون أعمق
بعدين أغلب علاقات الحب يلي عم تحكي عليها ياسفرووت بتفشل بنسبة 98% يعني مابتنتهي بزواج .
فهون أنا تبلكمت وماعاد عرفت شو بدي قلهون.
شباب وصبايا القصة ومافيها ...
\
\

(الحـــــــــــــــــب)

؟ انت ايها الشاب قد تحب فتاه
وقد تهبها كل مالديك .......
لكنك لا تتزوجها لماذا ؟؟؟
لماذا تقتل هذا الحب ؟؟
انت تعلم نهاية هذا الحب فراق اذا لما تستمر في المضي قدما ؟
وانت تعلم انك لن تنساها
وهي لن تنساك ولن تنسى ايامك الجميله التي قضتها معك ......

اسأل نفسك بكل صرااحه
لما تستمر معها في هذا الحب ؟
وانت لن تتزوجهــــــــا ؟؟؟؟؟؟؟

وانتي ايتها الفتــــــــــاه
اسألي نفسك
لما تخوضين هذه التجربــه ؟؟
وانتي تعلمين نتيجتـــــــها
قد نتهرب من الاجابه حتى بين انفسنا ونبرر هذا التصرف باي سبب لكن اريد
منكـــــــــم الاسبــــــاب الحقيقيه؟؟؟

دعونا نطرحها دون خوف او تردد انا اعلم مدى حساسية هذا الموضوع لكن هذا لا يعني
عدم تحاورنا حوله وتبادل وجهات النظر ارجو ان اجد اجابات لكل التساؤولات وان اجد
التفــــــــاعل المطلوب ولا أريد أن أجد أحد قرأ ولم يعطينا رأيه لأن رأيكم مهم جدا .
مالذي يمنعك من الزواج بمن تحب لماذا تحب وعندما ياتي موضوع الزواج تذهب الى والدتك
لتخطب لك؟؟
اين فتــــــــــــــــــاة أحلامـــــــــــك؟؟؟؟؟؟؟؟؟؟


*****تحيه بحجم السمـــاء******

ملاحظة** أرجو أبداء رأيكم في التصويت لأن نتيجته تهمني.

أخوكم
SAFRO0T

[سفيرة الشوق]

اخوي سفروت انا صوت بلا اعلم لأقول لك لماذا ...

لأنو صعبه اعمم للكل بنجاحها او للكل بفشلها

فأنا لما قلت لا اعلم لا اقصد ذلك لكن لم اجد الخيار اللي يقول في هيك وهيك

طيب انا بدي احكيلك شغله .....

لما تختلط بالبنت اللي تعجبك اغلبهم يكونوا جريئات لحتى يخوضوا هيك تجارب عادي طيب والبنات الطيبات بيكونو محترمين حالهون وببيوتهم

لهيك امك خبرتك انو مافي نظره متكامله ...

انا مش ضد الحب بالعكس كثير حلو

لكن حط ببالك لو كان كل شخص بيقابل وحده وبيحبها وانتهى الأمر لكان كثير حلو

لكن تلقى البنت مرت على شي 100 واحد وبالنهايه انت !!!!!!

والعكس تلقي الولد اخذ شي 100 علاقه غابره لحتى شبع وبالنهايه مثلا انا !!!!!

البنت جوهره حلو تكون الك وحدك سفروت ماحدا يمتلك مشاعرها غيرك

اتمنى تكون فهمت كلامي او الفكره اللي بدي اوصلها ...

وصحيح مبارك مقدما ^_*

[SAFRO0T]

مشكوره كتير سفيره ردك كتير حلو ومنطيقي
وانا أكيد ماقصدت أنو أعمم على كل المجتمع انا بدي كل واحد هوه ورأيه يعني يقول أنا برأيي ممكن أو لأ مو ممكن
يعني كل واحد يحكي عن حالو بس وهيك منوصل لنتيجة معينه موثقة بأصواتكون .
يالله بانتظار المزيد من المشاركات

[GOLDEN BOY]

انا صوتت بنعم و بزواج ناجح
قلك ليش اول شي لانو الشب لما حيخنار شريكت حياتو وكان هالشب ذكي طبعا يعني مو ياخد اي وحده تكون حلوة بس الاخلاق عليك العوض حيخكتار وحده تكون اخلاقها حلوة و ذكية و ما حيختار اي و حده لانو بكون فهمان و بيعرف انو حيقضي معاها بقي حياتو ان شاء الله

وانا بعرفك يا سفروووووت ذكي و بتعرف تنقي
بس اكيد لازم رأي الاهل

وانشاء الله عقبال الجميع

[SAFRO0T]

يسلمو على المرور جولدن وأنا رأيي من رأيك يالله وين الباقي شو مادبكون تحبو ينووووب الظاهر

[حياة الروح]

بصراحة ياسفروت الواحد وقت بيتعرف ع حدا مابيكون عارف انو رح يحب ووقت يحب بيصير بدو يدفع عمرو لحتى يكون مع الطرف التاني
بس بيجو الأهل وبيدمروا هالعلاقة فبتندم ع هالحياة اللي رح تقضبها من دون حبيبك
ومستحيل تجاوب ع حالك انو ليش لساتني عم حب ومارح أتزوجها لأنك بتكون حاط ببالك آماااااااااااااااااااااااااااال كبيرة وكتيرة وبتقول لحالك كل شي بيهون
سامحني إذا طولت بالحي بس هاد رأيي
تقبل مروري

[..Shy Girl..]

أنا برأيي أنو لو كان الحب بيد الشخص ما كان حب أصلا حتى ما يدوء مر الحب بس هالشي مو بالإرادة يعني مو أنت ياللي بتقررأنك تستمر بالعلاقة أو لاءحتى لو قطعت العلاقة راح تبقى تتذكر مين أحببت مشان هيك أنت لا زم تكون متنبه لعلاقاتك مع الناس و خصوصا الجنس الآخر و تخلي أغلب علاقاتك معون رسمية نوعا ما بدون إختلاط زائدهاد الشي حتى ما تخلي مشاعرك مللك للناس و تحفظها لشريك الحياة ياللي من الضروري جدا أن يكون للأهل لهم دور فيه و أنا أوافق على أنو الشاب ما بينظر للفتاة إلا نظرة سطحية و لازم الأم هي ياللي تخطب لأبنها لأنو الأم كانت بنت غير متزوجة مسبقا وراح تعرف شو كسم ياللي عم تخطبها و الأم بتعرف طبع أبنها و هاد الشي بساعد أنو تختار البنت المناسبة ألو
و آسفة إذا طولت عليك بس هاد رأيي و شكرا
DODO

[&Hamodeee&]

انا صوتت بنعم ولكنه زواج فاشل
السبب : لأن الشخص عندما يحب لاينظر للفتاة من كل الجوانب والفتاة أيضا
بل النظرة ستكون سطحية والسبب ان قلبه هو الذي احب والقلب يطغى على العقل
وطبعا مو دائما بيكون فاشل بس اغلب الاوقات بيكون فاشل
ومشان هيك اذا شاب حب بنت او العكس لازم يحكم عقلو ويشوف الحبيب من جميع الجوانب
لأنو اذا شافو من جميع الجوانب انا متأكد انو حيكون زواج ناجح وجميل

&Hamodeee&

[لعيون الوردة]

سفروت ما فيك تعمم انو الحب مو دائما ينتهي بالزواج وهالشي حالات استثنائية
يعني انا معك انو الواحد بيصطدم برأي اهلو ع أساس انو ما بيعرف او بتعرف مصلحتها باختيار الشريك بالحياة بس هالشي بالخير بيرجع لرأي الشخص صاحب العلاقة لأنو هو اللي رح يعيش حياتو وهو الو الحق بالاختيار اولا واخيرا
تقبل التحية

[SAFRO0T]

مشكووورين كتير حبايبي على المرور والتصويت ( دربي ألم - دودو - حمودي - لعيون الورده )
وكتير آرائكم حلوه ومنطقية

[جـمـوح حـزيـن]

ممكن!!

لان الحب ممكن يطور لدرجة مايقدر الحبيبين الأبتعاد عن بعضوهم

ومو سهل انك تبتعد مرة عن حبيبتك وتتزوج اكيد راح الضل ع بتفكر فيها

تحياتي...

[سالي]

أنا ماصوتت ولا بدي صوت لانو اختياري منافي للاختيارات اللي حاطينها ؟؟؟

أنا برأيي انو ( مع احترامي للجميع واراءهم ) انو مافي شي اسمو حب وحتى لو كان في شي اسمو حب متل مابتقولو فمعناه الحقيقي بعييييييييد كتير عن معنى كلمة حب اللي هي اجمل شي بالدنيا
أنا برأييي انو صارت كلمة الحب وسيلة بشعة لنيل مرادنا من شخص اخر ابو بمامعناه
ضحك على ،، لعب على ،، انتقام ل ،، تسلية ،، ربط الاخرين ،، وغيرها تندرج تحت كلمة حب للأسف
يارييييييييييييييييييييت تعطوني رأيكون بهالكلام بصراحة وبدون مجاملات وعلى فكرة انا هي اول مشاركاتي وهاد اكتر موضوع شدني وخصوصا رد دودو سلامي للجميع
وانا رأيي قريب لرأيها بس حبيت ضيف هالكلام يالله جمعو الردين بيطلع رأيي واضح
اسفة اذا طولت عليكون بس اللي بقلبي قلتو بس كمان لاتفكروا انو واعة بقصص وحكايا مالي بهالشغلات الحمد لله

[Lovely Smile]

اهلا وسهلا فيكي عزيزتي سالي اول شي

يسعدنا تواجدك بمنتدانا لكن المقام ليس مقام ترجيب هنا بل للمناقشة


عزيزتي..

قبل كل شي اعذريني على صراحتي بالكلام واتمنى ان ما اجرحك

بس واضح كل الوضوح من كلامك بأنك خضتي بتجربة مريرة قد كنتي انت فيها الضحية وكان من يزعم بأنه يحبكي الجاني __ أو __ لم تخضوي التجربة لك البيئة التي انت فيها روت الكثير عن قصص خيانة وغدر الحبيب واستغلاله لاغراضه ومآربه الشخصية


انا بطبعي لا احب انكر شيء غير مقتنع فيه .. صحيح من هناك استطاع ان يصل لمبتغاه من اي فتاة ادعى بأنه يحبها ليصل لمبتغاه..لكن عذرا لماذا الفتاة بهذه السذاجة ؟

عندما نتكلم عن الحب هنا وفي هذا الصرح الغالي عزيزتي فإننا نتكلم عن الحب العذري وليس الفاحش اننا انتكلم عن اسمى حالات الطهر والعفة في الحب ونستنكر الحالاة الاخرى المنافيه لعفتنا


عزيزتي سالي..ماهو الحب..؟

هل يوجد للحب تعريف ..؟

انا شخصيا لم اجد للحب و للمرأة تعريف في قاموس .. لاني ببساطة لم اجد التعابير التي يستحقونها
لكن أأكد لك بأن الغرض من الحب واضح وليس كل شخص قال انا احب فهو يعي ما يقول


انا حبيبت ارد عليكي بشكل مخصوص والي رد تاني بالنسبة لموضوع اخونا سفروت ( مع اني حاولت اتجنب الاجابة لاسباب شخصية )


اكيد لي عودهـ وبانتظاركـ وباقي الاعضاء..


لافلي

[SAFRO0T]

أنا برأيي انو ( مع احترامي للجميع واراءهم ) انو مافي شي اسمو حب وحتى لو كان في شي اسمو حب متل مابتقولو فمعناه الحقيقي بعييييييييد كتير عن معنى كلمة حب اللي هي اجمل شي بالدنيا

أنا برأييي انو صارت كلمة الحب وسيلة بشعة لنيل مرادنا من شخص اخر ابو بمامعناه

ضحك على ،، لعب على ،، انتقام ل ،، تسلية ،، ربط الاخرين .،، وغيرها تندرج تحت كلمة حب للأسف

يارييييييييييييييييييييت تعطوني رأيكون بهالكلام بصراحة وبدون مجاملات وعلى فكرة انا هي اول مشاركاتي وهاد اكتر موضوع شدني وخصوصا رد دودو سلامي للجميع

وانا رأيي قريب لرأيها بس حبيت ضيف هالكلام يالله جمعو الردين بيطلع رأيي واضح






ميرسي لألك سالي على المرور اللطيف

ورأيك متقبل بكل احترام وود بس في كم شغله حابب علق عليهون :



1- أنو مافي شي أسمو حب هون صار لازم نعيد صياغة معنى كلمة حب فالحب ياآنستي

فرصة ليصبح الإنسان أفضل وأجمـل وأرقـى

الحب ليس عاطفــة ووجدانــا فقط إنما هو طاقة ـ وإنتــاج

الحب : هو أعظم مدرسة يتعلم كل عاشق فيها لغة لا تشبهها لغة أخرى

الحب : مثل أي لعبة يمارسها اثنـان … في نهايتها : أحدهما يربح … والآخر يخسر
الحب : تجربة وجودية عميقة تنتزع الإنسان من وحدته القاسية الباردة لكي تقدم له حرارة الحياة المشتركة الدافئة

الحب : فضيلة الفضائل … به نعلو بأنفسنا عن العبث والتهريج والابتذال العاطفي … ونحمي عقولنا من الضياع والتبعثر الفكري








الحب : تجربة إنسانية معقدة … وهو أخطر وأهم حدث يمر في حياة الإنسان

لأنه يمس صميم شخصيته وجوهره ووجوده … فيجعله يشعر وكأنه ولد من جديد





الحب هو الذي ينقل الإنسان إلى تلك الواحات الضائعة من الطهارة والنظارة والشعر والموسيقى

لكي يستمتع بعذوبة تلك الذكريات الجميلة التائهة في بيداء الروتين اليومي الفضيع

وكأنما هي جنات من الجمال والبراءة والصفاء في وسط صحراء الكذب والتصنع والكبرياء







الحب : كالبحر حين تكون على شاطئه يقذفك بأمواجه بكرم فائق يستدرجك بلونه وصفائه وروعته

ولكن حين تلقي بنفسك بين أحضانه لتبحث عن درره يغدر بك ويقذفك في أعماقه ، ثم يقذف بك وأنت فاقد لإحساسك





الحب : يبدأ بالسماع والنظر

فيـتــولــد عنــــه الاستحســـــان

ثـم يقــــــــــوى فيصيــــر مــــــودة

ثـم تقــــــــــوى المـــودة فتصيـر محبــة

ثـم تقــــــــــوى المحبـــة فتـوجـب الهــــــوى
فـإذا قـــــــــوي الهــــــــــــوى صــــــــار عشقــا
ثـم يـــــــــزداد العشـــــــــــق فيصيـــــر تتييـمـــــــا

ثـم يـزداد التتييم فيصير ولها.. وهو قمة ما يبلغه المحب








آنستي الحب ليس سلعة رخيصة نساوم بها كما نريـد

الحب لا يقال له سحابة صيف وتعـدي

الحب لا نصفه بفصل من الفصول الأربعة

الحب ليس ورقة شجراً ساقطة ولا دمعة عابرة ولا أحلام ضايعة

الحب ليس صورة ملونه ولا رسالة مزخرفه
الحب ليس حروفاً مذهبه ولا سطوراً معلقه .. ولا نغمة راقصة
الحب يا ابيض يا اسود ..ليس هناك وسطيه ولا جدل يختلف عليه اثنان
الحب ليس قسوة تغلف بمرارة ولا فضاء ضيق ولا سراب مستحيل تحقيقه
حب ليس طعنة قاتله ولا شهـوة مغرزه .. ولا حرباء متلونة .. فلا ننظر له من ثقب الإبرة
الحب ( يا آنستي ) لا ينطق عن الهوى وإنما هو شعور وإحساس يتغلغل في أعماقنـا
الحب مرآة الإنسان يعكس ما بداخلنا من عمق الوصف والخيال
الحب جذوراً متأصلة .. الحب نستوحيه من أنفاسنا ومن دمائنا
الحب إرادة ثم صدق مع النفس ومع من نحب
الحب حصيلة الإعجاب الدائم بين الطرفين
الحب كأحلام على ارض خرافية يلهينا عن الحاضر يشدنا ويجذبنا فيعجبنا جبروته
بالحب نحيا فهو الروح للجسد فلا حياة بدونه وهو الأمل الذي يسكن أنفاسنا ويخاطب أفكارنا ليحقق آمالنا
الحب سفينة بلا شراع تسير بنا إلى شاطئ الأمـان
الحب سماء صافيه وبحراً هادئ وبسمة حانية
الحب يزلزل الروح والكيان ويفجر ثورة البركان
الحب ناراً تضوينا ، الحب نبنيه بأيدينا فماءه يروينا وزاده يكفينا
هـذا هـو الحب لمسـة من الـوفــا و العـطـــا
لــذا يجب أن يعطـى التقـديــر اللائق بــه

الحب يجب أن يكـون وديعـة مهذبـة للغايـة وان نأخـذه بجديـه إذا أردنا أن يعشقنـا من نريـد أ ن نعشقــه








أخيراً الحب أسطـورة تعجـز البشريـة عـن إدراكهــا إلا لمن صــدق في نطقهــا ومعناهـــا

الحب يقراء ... والحب يسمــع ... والحب يخاطبنــا ونخاطبــه ... ويسعدنــا ونسعــده

وهو عطـراً وهمساً نشعـر بسعادتـه إذا صدقنـاه في أقوالنـاوأفعالنــا

بالحب تصبح ا لحياة جميلة لكي نحقق أهدافــاً قـد رسمناهــا










وعندما ندرك ماكتبته أعلاه ونعيه بوعينا الكامل ونلتزم ونقر بأنه هذا هو الحب وليس أي شيئ سواه

عندها يمكن لنا أن نحب ونخلص لمن نحب وتكون قصتنا قصة حب خالده ربما تفوق ماقدمه لنا روميو وجووليت من قصص حفظناها وجاك وروز من مشاهد رأيناها و عنتر وعبلة و تلك التواريخ اللتي تناقلناها





2- في اعتقادك أن الحب أصبح صورة مشوهه او ستاره يختبئ خلفها كل من هب ودب وكل من أحب ولم يحب وقناع يشوه كثيرا من الوجوه البريئة.

في هذه النقطة لايسعني سوى ان أوافقك الرأي وأقول بالفعل في زمننا الحالي أصبح ليس للحب معنى ولا أحد يستطيع أعطاء الحب حقه لكن نحن نسعى ونجتهد ونترك القدر يفعل مايشاء.






وبشكرك كتير على مرورك وتفاعلك وبتمنى بعد ماتكوني قرأتي كلامي غيرتي رأيك ونظرتك بالحب

آسف على الأطالة
وبتمنى انو يجي اليوم اللي كل واحد فينا يقول

http://2adm.jeeran.com/1089987208[1].gif (http://2adm.jeeran.com/1089987208[1].gif)

وياريت أنك تصوتي *_^

وبانتظار المزيد من المشاركات

[..Shy Girl..]

مع احترامي إلك أخت سالي....... بس رأيي مناقض لرأيك تماما؟!؟!؟! يمكن نتفق بنقطة أنو الحب بهالأيام صار شي مجهول و يمعن يختفي وراء ستارو الطاهر شب دنيء ساعي ورى شهواته بس ما فيكي تعممي الحالة لأنو اللي عم تحكي عنو ماصار حب صار موضوع مختلف تماما الحب اللي عم نحكي عنو هو الحب الحقيقي اللي استفاض في الأخ سفروت يمكن ضيف إضافة أنو الحب الحقيقي ما راح تحصلي عليه من رقم جوال لشي واحد....... أو إميل ....... أو أي وسيلة متعارف عليها بين الناس يمكن هي الوسائل هي اللي بتخليكي تكوني ضحية بس تأكدي أنو الحب الحقيقي هو اللي بيقتحم عالمك بدون ما تدوري عليه وبحب ألك مقولة برددا دائما:
،،،،،،،،،من يناقش الحب طويلا يفقده،،،،،،،،،،،،،

[lamo0osh]

انا براي انو ممكن وناجح

السبب: لانو وقت الانسان بحب حب حقيقي مو ولدنة اكيد بيكون متاكد من خيارو

ولو ماكان هيك ماكان سمح لقلبو يحب واكيد رح يكون مقتنع بعيوب الشخص الاخر


بس لازم الانسان يفكر قبل اي خطوة حتى تكون ناجحة وياخد براي اكتر من شخص خاصة

الاهل لانو هنن اكتر الاشخاص صريحين وعندون خبرات اكتر منا

ويسلمو سفروت على الطرح الحلو

[K O Z M O Z]

انا رأيي متل رأي لمووووووش


لانو بالاول بيكون في حب

وطبعا لازم يكون في تفاهم صار

الا اذا بدو يصير شي مشاكل عائلية


بس انا برأيي انو بيكون ناجح



تقبل مروري سفرووت

[SAFRO0T]

مشكورين كتير لمووش وكوزموز على التفاعل وردودكون المنطقية والحلوة

[KhaledRonaldo]

أكيد من الممكن أنو تنتهي بزواج ناجح لما يكون في حب صادق حتى لو أطرو يستنو بعض فترة من الزمن لكن شو أسمو حب الحب بدو تضحية ومشان هيك منتعلق بالحبيب كل مامنشوفو عم بضحي لأجل أن يكون معو

وميرسي لألك برزدنت على الموضوع الحلو وأرجو أنو يكون جوابي يطابق تصويت حاكم أنت البرزدنت وحياتي من غيرك سكالكاطكة

[MiSS NAHFA]

شكرا كثير عالموضوع...

وأنا صوتت بـ يمكن يكون زواج ناجح...

لأنو هذا يعتمد على مدى التفاهم بين الشخصين

إذا عنجد كانوا بحبوا بعضهم وبيتفاهموا مع بعضهم وبيعرفوا يحلوا المشاكل من غير ما يكبروا القصة ويدخلوا أشخاص مالها دخل أكيد رح يكون الزواج ناجح أما كل واحد بدو يعمل يلي براسوا وما يرد على التاني فأظن هالشي رح يؤدي لفشل الزواج......

[SAFRO0T]

مشكورن كتييير على مشاركاتكم المميزه خلودي ونهفه ونورتو الموضوع